Rubrikat

Lajmi i fundit

Edona Peci

Prodhuar nga Edona Peci

31 janar 2010
Heqja e vizave, udhë me shumë të panjohura

Derisa një pjesë e ekspertëve për integrime evropiane vlerëson se ka nisur dialogu Kosovë-BE për liberalizim vizash, të tjerë thonë se do të varet nga dinamika e përmbushjes së kritereve, se kur Kosova do të marrë udhërrëfyesin zyrtar për heqjen e regjimit të vizave.
30 janar 2010
Autoritetet e Kosovës: Veriu nuk është çështje e Beogradit

Autoritetet vendore në Prishtinë vlerësojnë se veriu i Kosovës nuk është çështje që i takon Beogradit. Ndërkaq, zbatimi i strategjisë për veriun është i domosdoshëm për të shmangur destabilizimin e situatës.
26 janar 2010
Dell: Strukturat paralele - struktura kriminale

SHBA-të mbështesin strategjinë e ICO-së dhe të Qeverisë së Kosovës për shtrirjen e institucioneve kosovare në veri, tha ambasadori i SHBA-ve në Kosovë, Kristofer Dell. Ai tha se strukturat paralele në veri ndërlidhen me strukturat kriminale.
25 janar 2010
Kriteret determinojnë liberalizimin e vizave

Autoritetet vendore e ndërkombëtare në Prishtinë thonë se rruga e Kosovës drejt liberalizimit të vizave me BE-në nuk do të jetë e lehtë dhe se u takon institucioneve vendore t’i kryejnë obligimet e veta karshi Komisionit Evropian për këtë gjë.
23 janar 2010
Ndërkombëtarizimi i veriut - destabilizues

Përfaqësuesit e serbëve të pjesës veriore të Kosovës e vlerësojnë si kërcënuese për jetën e tyre strategjinë për shtrirjen e institucioneve të Kosovës në veri të Mitrovicës. Nga ana tjetër, analistë politikë thonë se shndërrimi i çështjes së veriut në çështje ndërkombëtare, do të mund të shkaktonte destabilizim të situatës në këtë pjesë të vendit.
21 janar 2010
Politika dhe KQZ-ja

Analistët politikë në Prishtinë vlerësojnë se vonesat e autoriteteve përgjegjëse për administrimin e procesit zgjedhor në lidhje me komunën e Gjilanit dëshmojnë ndërhyrjen e politikës në këtë proces dhe do të krijojnë dëme afatgjate në këtë komunë.
19 janar 2010
Xhemajli: Gjilani me automatizëm në rivotim

Meqë Komisioni Qendror i Zgjedhjeve nuk arriti të vendosë për komunën e Gjilanit, kjo komunë do të duhej që me automatizëm të hynte në rivotim, sikurse Prizreni dhe Lipjani, thotë Zait Xhemajli, ish-kryetar i KQZ-së. Por, Adnan Merovci, gjithashtu ish-kryetar i KQZ-së, thotë se nuk mund të shkohet me automatizëm. Që të dy pohojnë se ky proces është ndikuar politikisht.
17 janar 2010
Drejtësia pa ligjet bazë

Ekspertët ligjorë në Prishtinë kritikojnë institucionet e Kosovës për vonesat në miratimin e një varg ligjesh që rregullojnë punën e institucioneve për sundim të ligjit në vend. Ata thonë se në aspektin afatgjatë, sundimi i ligjit në Kosovë do të vështirësohet, po qe se ka zvarritje të mëtejme në avancimin dhe zbatimin e ligjeve të tilla.
15 janar 2010
Dell: Askush s’është mbi ligjin

Pavarësia e Gjyqësorit, ndarja e pushteteve dhe miratimi i një varg ligjesh, në të cilat mbështetet drejtësia kosovare, janë vlerësuar të domosdoshme nga autoritetet vendore e ndërkombëtare në Kosovë. Në ceremoninë për të shënuar Ditën e Drejtësisë në Kosovë, e cila është ndërprerë për disa minuta nga aktivistët e “Vetëvendosjes”, ambasadori amerikan në Kosovë, Kristofer Dell, ka thënë se sundimi i ligjit duhet të jetë prioritet për Kosovën në vitin 2010.
12 janar 2010
KQZ - në pritje të vendimit

Anëtarët e KQZ-së kanë vazhduar konsultat për një rrugëdalje nga situata e krijuar për procesin e Gjilanit. Ditë më parë, KQZ nuk arriti 2/3 e votave të nevojshme për të miratuar raportin final të Qendrës së Numërimit dhe të Rezultateve.
11 janar 2010
KQZ: Shtyhet vendimi për Gjilanin

KQZ-ja ka shtyrë vendimin për raportin e hartuar nga Qendra për Numërim dhe Rezultate, mbi hetimet dhe rinumërimin e votave për kryetar komune të Gjilanit. Gjatë mbledhjes ka pasur mospajtime të thella mes anëtarëve të LDK-së e PDK-së.
10 janar 2010
KQZ-ja s'ka vendim për Gjilanin

Pavarësisht pritjeve që të shpallej rezultati i hetimit dhe rinumërimit të votave për Gjilanin nga Qendra e Numërimit dhe e Rezultateve, për shkak të mungesës së kuorumit, KQZ-ja u detyrua ta shtyjë mbledhjen për ditën e hënë.
9 janar 2010
Paradoksi i UNMIK-ut

Zyrtarë të institucioneve vendore vlerësojnë se është zbehur efekti i dikurshëm i seancave të Këshillit të Sigurimit për Kosovën dhe rrjedhimisht roli i administratës së Kombeve të Bashkuara në vend. Ndërsa, analistët e quajnë paradoksale situatën e krijuar në vend.
8 janar 2010
Ficxherald: Strukturat paralele – kërcënim për Kosovën

“Shkeljet e Rezolutës së KS-së janë një kërcënim për sigurinë. Pasi që institucionet paralele nuk pranohen me këtë rezolutë, ne jemi të shqetësuar në lidhje me to”, tha në Prishtinë admirali Mark Ficxherald.
6 janar 2010
ICO dhe EULEX nuk i njohin strukturat paralele

Strukturat, që synojnë t’i minojnë strukturat legjitime në Kosovë, janë të papranueshme për ICO-në, si institucion që mbikëqyr zbatimin e Planit të Ahtisarit. ICO dhe EULEX thonë se çështja duhet zgjidhur me dialog apo mjete tjera politike.
29 dhjetor 2009
KQZ: Rinumërimi në Gjilan më 6 janar

Hetimet dhe rinumërimi i votave për Gjilanin do të fillojë më 6 janar dhe do të jetë i hapur edhe për vëzhguesit e partive politike, por edhe për mediat në Kosovë. Këtë e bëri të ditur kryeshefi i Sekretariatit të KQZ-së, Xhemajl Peçani.
28 dhjetor 2009
KQZ: Rivotimet në Prizren e Lipjan më 31 janar

Komisioni Qendror i Zgjedhjeve miratoi me shumicë votash datën e rivotimit për dy komunat. Data për fillimin e hetimeve dhe rinumërimin e votave për Gjilanin, pritet të caktohet në mbledhjen e së martës të Komisionit.
26 dhjetor 2009
Miliona euro për strukturat paralele

Përfaqësues të Qeverisë së Serbisë thonë se, në vitin 2010, me buxhetin prej rreth 40 milionë eurosh të dikasterit të veçantë ministror, do t’i mbështesin strukturat paralele serbe që veprojnë në Kosovë.
23 dhjetor 2009
KQZ: Rinumërim e pastaj vendim për Gjilanin

KQZ-ja nuk ndryshoi vendim që, për komunën e Gjilanit, fillimisht të zhvillohen hetime dhe të rinumërohen votat, e pastaj të vendoset për rivotim eventual. Ndërkaq, ky komision paralajmëroi se së shpejti do të dilet me një pasqyrë kohore për rivotim në Prizren dhe Lipjan.
23 dhjetor 2009
Ambasada (SHBA): Të respektohet vendimi i KZAP-it për rivotim edhe në Gjilan

“Ne besojmë se, pas shqyrtimit të mëtejmë, Komisioni Qendror i Zgjedhjeve do të njohë në tërësi obligimin e vet, të respektojë vendimin e KZAP-it për të përsëritur zgjedhjet edhe në Gjilan”, thuhet në komunikatën e lëshuar nga Ambasada amerikane, pas takimit që ambasadori Kristofer Dell zhvilloi me kryetaren e KQZ-së, Nesrin Lushta.

Shfaq më shumë

Kthehu në fillim

XS

SM

MD

LG