Rubrikat

Lajmi i fundit

Edona Peci

Prodhuar nga Edona Peci

25 nëntor 2008
Ngritet dhuna ndaj gruas

Në ditën ndërkombëtare kundër dhunës ndaj gruas, përfaqësues të organizatave joqeveritare u bëjnë thirrje institucioneve të Kosovës të angazhohen më tepër në parandalimin, por edhe në trajtimin adekuat të viktimave femra të dhunës në familje. Ndërkohë, përfaqësues të Qeverisë së Kosovës bëjnë të ditur se ekzekutivi kosovar tashmë ka përfunduar punën përgatitore për hartimin e strategjisë kundër dhunës në familje.
24 nëntor 2008
Gjykata Kushtetuese gati këtë vit?

Autoritetet kosovare thonë se Gjykata Kushtetuese e Kosovës do të themelohet brenda vitit 2008. Ndërkaq, përfaqësues të Zyrës Civile Ndërkombëtare në Kosovë, edhe pse e quajnë të rëndësishëm për sundimin e ligjit formimin sa më parë të këtij institucioni, nuk mund të precizojnë datën kur Gjykata Kushtetuese mund të jetë funksionale.
21 nëntor 2008
Kosova - e vonuar në formimin e AKI-së

Situata aktuale e sigurisë në Kosovë dëshmon nevojën e krijimit sa më parë të Agjencisë Kosovare të Inteligjencës. Kështu thonë ekspertë për çështje të sigurisë në Prishtinë, të cilët theksojnë se institucionet përgjegjëse të vendit janë vonuar në këtë drejtim. Qeveria e Kosovës hedh poshtë çdo lloj vonese në krijimin e Agjencisë Kosovare të Inteligjencës, ndërsa nuk jep ndonjë afat kohor se kur do të mund të realizohet kjo çështje.
19 nëntor 2008
Kërkohet konkretizimi i 4-pikëshit

Përfaqësues të partive në pushtet mendojnë se plani 4-pikësh i Republikës së Kosovës si kundërpërgjigje ndaj dokumentit 6-pikësh të OKB-së, është logjik, ngase mbështetet në marrëveshjet bazë për shtetin e Kosovës. Ndërkohë, opozita thotë se ekzekutivi kosovar duhet të krijojë një dokument më konkret, i cili do të precizonte veprimet e ardhshme në skenën politike në Kosovë.
18 nëntor 2008
Plani 6-pikësh dëmton decentralizimin

Ekspertët për decentralizim thonë se zbatimi i planit 6-pikësh të OKB-së për rikonfigurimin e pranisë ndërkombëtare do të rihapte kërkesa për reformimin e pushtetit lokal në zonat e banuara me serbë. Zyrtarë të Qeverisë së Republikës së Kosovës theksojnë se devijimi nga plani i presidentit Ahtisaari do të shkaktonte paqartësi rreth përgjegjësive të autoriteteve lokale në vend.
17 nëntor 2008
Kosova ka bërë mjaft kompromise

Deputetët e Kuvendit të Kosovës theksojnë se Prishtina nuk duhet të lëshojë pe duke e pranuar dokumentin 6 pikësh të OKB-së. Ata thonë se plani i Ahtisaarit dhe Kushtetuta e Republikës së Kosovës janë kornizat bazë për funskionimin e shtetit të Kosovës.
17 nëntor 2008
Pajaziti: Plani i ri vë në pikëpyetje gjithë procesin

“Plani më i ri na sjellë në pozicione tjera, sjellë në pikëpyetje një proces, i cili është krijuar gjatë, me mundim dhe përkushtim të madh”, thotë për radion Evropa e Lirë, ministri i punëve të brendshme në Kosovë, Zenun Pajaziti.
14 nëntor 2008
KE: Kosova të marrë parasysh vërejtjet

Vërejtjet e Raportit të fundit të Progresit të Komisionit Evropian për Kosovën duhet të merren seriozisht dhe të trajtohen në mënyrën e duhur nga institucionet kosovare. Kështu u tha në "Konferencën mbi Raportin e Progresit të Komisionit Evropian për Kosovën", të organizuar nga Klubi për Politikë të Jashtme në Prishtinë, ku u diskutua edhe mbi progresin që ka bërë Kosova në aspektin e integrimit dhe përmbushjes së standardeve evropiane.
13 nëntor 2008
Serbët: Edhe EULEX-i neutral i papranueshëm

Përfaqësuesit politikë serbë në Kosovë e quajnë të papranueshme idenë për shtrirjen e misionit EULEX, qoftë si mision neutral karshi statusit të Kosovës, nëpër territorin e Kosovës. Ata i bëjnë thirrje Beogradit zyrtar të mos pranojë dokumentin 6-pikësh të OKB-së për rikonfigurimin e pranisë ndërkombëtare në Kosovë - plan ky i cili, sipas tyre, largon Kosovën nga Serbia.
12 nëntor 2008
Analistët: Plani 6-pikësh mund të ndryshohet

Qeveria e Kosovës duhet të mbajë qëndrimin aktual për dokumentin 6-pikësh të Kombeve të Bashkuara për rikonfigurimin e pranisë ndërkombëtare në Kosovë, përderisa ai dokument nuk merr për bazë planin e presidentit Martti Ahtisaari dhe Kushtetutën e Kosovës. Kështu vlerësojnë analistët në Kosovë, të cilët thonë se pavarësisht presionit diplomatik, Prishtina zyrtare duhet të bëjë përpjekje për modifikimin e dokumentit.
11 nëntor 2008
Lansohet projekti për kthim të qëndrueshëm

Qeveria e Kosovës, në bashkëpunim me Zyrën Ndërlidhëse të Komisionit Evropian në Kosovë, si dhe me Programin e Kombeve të Bashkuara për Zhvillim, lancoi projektin "Kthimi dhe riintegrimi në Kosovë", i cili ka për qëllim krijimin e kushetve të mira për kthim të qëndrueshëm. Kryeministri kosovar, Hashim Thaçi, shprehu përkushtimin e institucioneve kosovare për krijimin e një vendi të qetë dhe të sigurt për të gjithë qytetarët e Kosovës pa përjashtim.
10 nëntor 2008
Analistët: KS do të sjellë qartësi për EULEX-in

Analistët politikë në Prishtinë presin më shumë qartësi nga seanca e së martës e Këshillit të Sigurimit të Kombeve të Bashkuara për vendosjen e EULEX-it në Kosovë. Ata theksojnë se Prishtina zyrtare nuk duhet të pranojë asnjë marrëveshje që cenon sovranitetin e shtetit të Kosovës.
7 nëntor 2008
BE-Serbi-EULEX: Kushtëzime apo jo?

Mundësia e kushtëzimit të Serbisë nga Bashkimi Evropian për të qenë kandidat për integrim në këtë mekanizëm, me pranimin e Beogradit zyrtar për shtrirjen e EULEX-it në Kosovë, komentohet në mënyra të ndryshme në Prishtinë. Sipas ekspertëve për integrime në BE, një kushtëzim i tillë nuk mund të bëhet zyrtarisht, por vetëm tërthorazi.
4 nëntor 2008
SHBA do vazhdojë mbështetjen për Kosovën

Ambasadorja e SHBA-së në Prishtinë, Tina Kaidanow, shprehet e bindur se përkrahja e Uashingtonit për Kosovën do vazhdojë, pa marrë parasysh se kush do të zgjidhet president i ri i SHBA-së.
3 nëntor 2008
Prishtina beson në demokracinë amerikane

Liderët shtetërorë të Kosovës, përfaqësuesit politikë, si dhe analistët, presin që fitorja, sikurse e Barack Obamës ashtu dhe e John McCainit, t'i mundësojë Kosovës vazhdimin e bashkëpunimit me Washingtonin.
1 nëntor 2008
Selimi: Institucionet kanë obligim për pjesëtarët e TMK-së

"Kishte pakënaqësi te pjesëtarët e TMK-së për ligjin për pensionim të parakohshëm, por me rëndësi që ata të mos mbesin rrugëve”, thotë gjen.Sylejman Selimi.
31 tetor 2008
Gratë i kërkojnë ICO-së zgjidhjen e problemeve

Femrat e skenës politike kosovare i kërkojnë prezencës së Bashkimit Evropian një angazhim më të madh në forcimin e rolit të gruas, por edhe në zgjidhjen e problemeve aktuale politike në Kosovë. Përfaqësuesi i BE-së në Kosovë, Pieter Feith, u bën thirrje grave të jenë më aktive në politikën e brendshme dhe të jashtme të vendit.
30 tetor 2008
EULEX nuk merr qëndrim sa i përket statusit

Misioni i BE-së, EULEX, thekson se si mision teknik nuk do të marrë qëndrim sa i përket statusit të Kosovës. Ndërkohë që Zyra Civile Ndërkombëtare zotohet se do të mbikëqyrë zbatimin e planit të Ahtisaarit.
29 tetor 2008
Të dënohen krimet në ish-Jugosllavi

Pjesëmarrës të Forumit të katërt rajonal për vendosjen e drejtësisë në shoqëritë e vendeve të ish-Jugosllavisë theksojnë se pa ndihmën institucionale nuk mund të bëhet shumë në zbardhjen e fatit të të pagjeturve si dhe në vënien para drejtësisë të njerëzve përgjegjës për krime të luftës.
28 tetor 2008
Neutraliteti i EULEX-it, frazeologji e OKB-së

Analistët e konsiderojnë si opsion jo të mundshëm funksionimin e EULEX-it si mision neutral karshi statusit të Kosovës. Ata nuk besojnë se kërkesat serbe për shtrirjen e këtij misioni do realizohen.

Shfaq më shumë

Kthehu në fillim

XS

SM

MD

LG