Rubrikat

Lajmi i fundit

Edona Peci

Prodhuar nga Edona Peci

1 mars 2010
Pritjet nga jetësimi i strategjisë

Në rast të zbatimit të strategjisë për veriun, Prishtina parasheh shtimin e masave të strukturave paralele serbe, ndërsa zyrtarë të Serbisë thonë se nuk do të reagojnë fare ndaj një dokumenti, që, sipas tyre, ka pak gjasa të zbatohet.
28 shkurt 2010
Prishtina kërkon presion të BE-së ndaj Serbisë

Njohës të proceseve të integrimeve evropiane dhe analistë për çështje politike në Prishtinë thonë se Bashkimi Evropian duhet të rrisë presionin ndaj Beogradit zyrtar në lidhje me qasjen ndaj Kosovës. Ndonëse hidhet poshtë mundësia që në të ardhmen e afërt njohja e shtetësisë së Kosovës t’i vihet si kusht Serbisë për integrim në BE, ata theksojnë nevojën për themelimin e bashkëpunimit rajonal mes dy vendeve.
26 shkurt 2010
Von Sydow: Veriu i izoluar

“Gjendja në veri më duhet të them se, deri në një masë, është e izoluar. Mendoj se ata duhet t’i rrisin kontaktet e tyre, të nisin bashkëpunimin...”, thotë në një intervistë për Radion Evropa e Lirë, raportuesi i Këshillit të Evropës, Bjorn von Sydow.
25 shkurt 2010
Korrupsioni - shqetësim për kosovarët?

Përhapja e korrupsionit, mungesa e besimit në sistemin gjyqësor dhe zbatimi i dobët i ligjit në Kosovë minojnë qeverisjen në vend, vlerësoi në fund të vizitës së tij në Kosovë, raportuesi i Këshillit të Evropës, Bjorn von Sydou.
24 shkurt 2010
Problemet në sundimin e ligjit

Mungesa e komunikimit dhe koordinimit në mes të policisë, prokurorisë dhe gjyqësorit mbetet një nga sfidat e theksuara në sundimin e ligjit në Kosovë, i cili mbetet sfera më e dobët e qeverisjes, thuhet në studimin e fundit të Institutit KIPRED.
22 shkurt 2010
Zgjedhjet në veri, pa afat kohor

Qeveria e Kosovës nuk ka një plan kohor për zhvillimin e zgjedhjeve në pjesën veriore të Kosovës, ndonëse një gjë të tillë e parashihte strategjia për veriun. Ekspertët e pushtetit lokal e quajnë të gabuar qasjen e autoriteteve përgjegjëse për këtë proces.
21 shkurt 2010
Zgjedhje të parakohshme parlamentare më 2010?

Gjasat për mbajtjen e zgjedhjeve të parakohshme parlamentare quhen reale nga disa analistë politikë në Kosovë. Për të tjerë, kjo do të ishte humbje kohe për Kosovën, meqë duhet të fokusohet në fusha më të rëndësishme për shtetin.
20 shkurt 2010
Protestë e qetë për gjykatat në veri

Dy vjet pas largimit nga objektet e gjykatave në veri të Mitrovicës, qindra punonjës shqiptarë të këtyre institucioneve, të mbështetur nga përfaqësues të Sindikatës së Pavarur të Juridikaturës në Kosovë, kanë zhvilluar një protestë paqësore në anën jugore të këtij qyteti. Ekspertët për drejtësi e kanë quajtur alarmante gjendjen e krijuar në këto gjykata dhe kanë theksuar nevojën për rifunksionalizimin sa më parë të tyre.
19 shkurt 2010
Ndryshimet në sistemin zgjedhor(?)

Ecuria e zgjedhjeve lokale ka dëshmuar për rëndësinë që ka shoqëria civile në Kosovë, u tha në debatin me po këtë temë, që u mbajt në Prishtinë. Panelistët theksuan nevojën për ndryshimin e legjislacionit për zgjedhjet.
17 shkurt 2010
Dy vjet shtet - disa vjet 1244

Karshi funksionimit të mekanizmave shtetëror të Kosovës, përgjatë dy vjetëve të fundit, jeta institucionale në Kosovë është veçuar edhe nga puna e disa misioneve ndërkombëtare me mandate të ndryshme. Përfaqësues të UNMIK-ut thonë se do të veprojnë në përputhje me realitetin e ri deri në, siç thuhet, zgjidhjen finale të çështjes së Kosovës. Analistët, ndërkaq, vlerësojnë se sistemi i pranisë ndërkombëtare në Kosovë nuk është i qëndrueshëm në periudhë afatgjate.
15 shkurt 2010
Rasti i Kurtit - në udhëkryq

Një panel i përbërë prej gjykatësve të EULEX-it dhe gjykatësve të Kosovës, ka vendosur që gjykimi i liderit të Lëvizjes “Vetëvendosje”, Albin Kurti, të shtyhet për datën 22 shkurt 2010. Kurti nuk i është përgjigjur ftesës së Gjykatës së Qarkut, në të cilën pritej të fillonte seanca gjyqësore kundër tij, duke e quajtur të padrejtë tërë procesin.
14 shkurt 2010
Kërkesa për presion evropian ndaj Serbisë

Përfaqësues të Serbisë shprehin gatishmërinë që të bashkëpunojnë në fusha të caktuara me Kosovën, por thonë se nuk e kanë ndërmend ta njohin atë si shtet. Kjo qasje, sipas analistëve politikë, në aspektin afatgjatë mund t’i dëmtojë interesat e të dyja palëve dhe mund ta destabilizojë rajonin. Zyrtarë të Qeverisë së Kosovës kërkojnë rritjen e presionit politik të Bashkimit Evropian ndaj Beogradit në mënyrë që të rishqyrtohet qasja ndaj Kosovës.
13 shkurt 2010
Drejtësia në veri - në krizë?

Gjatë dy viteve në gjykatat në veri të Kosovës është marrë vendim për gjashtë raste dhe kjo, pas rifunksionalizimit të pjesshëm të atyre institucioneve në dhjetor të 2008-ës, bëjnë të ditur zyrtarë të misionit EULEX.
10 shkurt 2010
Zanier: OKB trajton rrafshin e kompensimit për 10 shkurtin

Shefi i UNMIK-ut, në Kosovë, Lamberto Zanier, i tha se organizata që përfaqëson, u ka ofruar familjarëve të viktimave kompensim në të holla dhe se për përmbylljen e procesit kriminal janë përgjegjëse autoritetet nacionale, ku po trajtohet ky rast.
9 shkurt 2010
Shpresat e Prishtinës për integrim

Autoritetet vendore në Prishtinë kanë theksuar se qasja e tyre për integrimin e veriut të Kosovës në jetën institucionale të vendit, nuk drejtohet kundër askujt, por i kontribuon sundimit të ligjit në të gjithë territorin.
8 shkurt 2010
Mitrovica veriore - mjet për integrim

Përfaqësuesit e serbëve dhe të shqiptarëve të pjesës veriore të Kosovës, kanë mendime të kundërta lidhur me krijimin e komunës së re të Mitrovicës veriore. Derisa serbët e quajnë jolegal këtë veprim, shqiptarët besojnë se do të përmirësoheshin raportet ndërmjet tyre.
6 shkurt 2010
Rishikohet statusi i Feithit

Përfaqësuesi Special i Bashkimit Evropian në Kosovë, njëherësh Përfaqësues Civil Ndërkombëtar, Piter Feith, në ditët në vijim do t’i nënshtrohet rishikimit të mandateve të tij nga Grupi Drejtues Ndërkombëtar për Kosovën dhe nga BE-ja.
5 shkurt 2010
Policët kthehen në punë

Policia e Kosovës bën të ditur se marrëveshja e arritur mes Qeverisë së Kosovës dhe Këshillit të përfaqësuesve të njësive të specializuara të Policisë së Kosovës, ka ndërprerë protestën e policëve, të cilët të premten i janë kthyer sërish punës.
3 shkurt 2010
Plaks: Veriu mund të jetë faktor destabilizimi

Projekti për Marrëdhënie Etnike (PER) vlerësoi se decentralizmi është opsioni më i mirë për përmirësimin e jetës së komuniteteve në Kosovë, mirëpo nuk përjashtoi mundësinë që veriu i Kosovës të jetë zonë destabilizuese për vendin.
1 shkurt 2010
Reduktimi i KFOR-it (s') e cenon sigurinë

Përfaqësues të institucioneve kosovare thonë se reduktimi i trupave të KFOR-it në Kosovë ka ardhur paralelisht me përmirësimin e gjendjes së sigurisë në vend. Sipas ekspertëve, Kosovës, megjithatë, i kanosen rreziqe nga jashtë.

Shfaq më shumë

Kthehu në fillim

XS

SM

MD

LG