Bekim Bislimi është gazetar i Radios Evropa e Lirë në Prishtinë.
Ka apo jo të meta procesi i shënjimit të vijës kufitare ndërmjet Kosovës dhe Malit të zi, këtë do ta vlerësojë grupi ad hoc, me tre ekspertë ndërkombëtarë, i themeluar nga presidentja e Kosovës , Atifete Jahjaga.
Mosratifikimi i marrëveshjes për shënjimin e vijës kufitare me Malin e Zi, nuk vlerësohet se mund të paraqes pengesë, në këtë fazë, për Kosovën, në marrjen e rekomandimit pozitiv për liberalizim të vizave nga Komisioni Evropian.
Autoritetet e Kosovës kanë bërë me dije se kanë ndaluar hyrjen në Kosovë të teksteve shkollore nga Serbia, që nga shtatori i vitit 2015. Kjo sipas tyre është kundërpërgjigje ndaj Serbisë me veprimet e fundit që ka bërë ndaj Kosovës.
Liderët serbë, që kundërshtojnë integrimin e serbëve të veriut të Kosovës në institucionet e vendit, kanë paralajmëruar dërgimin e një peticioni me 21 mijë nënshkrime, për të kërkuar zgjedhjet lokale të Serbisë edhe në veri të Kosovës.
Gjykata Speciale për krime të luftës në Kosovë, juridikisht dhe formalisht konsiderohet Gjykatë Penale e Kosovës, por në esencë ajo është gjykatë penale ndërkombëtare, vlerësojnë njohësit e të drejtës penale në vend.
Zyrtarët e Qeverisë së Kosovës janë në pritje të një vlerësimi pozitiv të përmbushjes së kritereve nga një mision vlerësues i Komisionit Evropian, kah mesi i muajit mars. Ata thonë se janë përmbushur të gjitha kriteret, por, njohësit e integrimeve evropiane shprehin mendimin se indikacionet nuk janë në favor të një vlerësimi pozitiv për liberalizim të vizave për Kosovën.
Çështja e të pagjeturve duhet të shtrohet si temë në dialogun e Kosovës me Serbinë, në Bruksel, vlerësojnë përfaqësuesit e familjarëve të personave të pagjetur, por edhe të institucioneve që merren me këtë çështje. Ata theksojnë se angazhimi i njëanshëm nuk mund ta zgjidhë këtë çështje, pa një presion ndërkombëtar mbi Serbinë.
Nuk ka pasur kushtëzime nga Lista Serbe për votimin e Hashim Thaçit për president të ri, ndërkaq kërkesa për një komunë të re me shumicë serbe, është e hershme, ka thënë zëvendësministri i Administrimit të Pushtetit Lokal në qeverinë e Kosovës, Bajram Gecaj.
Bashkësia serbe në Kosovë mund ta krijojë edhe një komunë të re me shumicë serbe, të njëmbëdhjetën me radhë. Në këtë kontekst, katër fshatrat : Prilluzhë, Plemetin, Babin Most dhe Gracë, do të mund të formonin komunën e re.
Filmi “Shok”, me regji dhe skenar të regjisorit britanik Jamie Donoughue, i luajtur nga aktorë të Kosovës, i xhiruar në Kosovë, është filmi i parë i cili e përfaqëson kinematografinë e vendit për çmimin Oscar.
Seanca e Kuvendit të Kosovës për zgjedhjen e presidentit të ri të vendit, u përcoll me protesta të pasuesve të partive opozitare në Kosovë. Zyrtarët e Policisë së Kosovës kanë shmangur një përplasje të tyre me simpatizuesit e PDK-së, të cilët kanë parakaluar drejt selisë së kësaj partie në Prishtinë.
Për presidentin e Kosovës do të votohet në tri raunde, në rast se ka kuorum prej 80 deputetëve. Albert Krasniqi, analist i Institutit Demokratik të Kosovës, thotë se në rast se dështon zgjedhja në të tri raundet, kjo nuk nënkupton shkuarje automatike në zgjedhje të jashtëzakonshme.
Njohësit e zhvillimeve politike në Kosovë, vlerësojnë se kriza politike në vend mund të përfundojë vetëm me shkuarjen e vendit në zgjedhje, pas një marrëveshjeje ndërmjet partive politike, të pushtetit dhe opozitës. Sipas tyre, zhvillimet që kanë ndodhur në skenën politike në Kosovë, nuk i kanë sjellë asgjë të mirë vendit.
Kufiri administrativ që ndan komunën jugore dhe atë veriore të qytetit të Mitrovicës, është bërë mollë sherri për të dy kryetarët e këtyre komunave, Agim Bahtiri dhe Goran Rakiq. Bahtiri thotë se fshati Suhodoll, sipas dokumentit të Ahtisaarit, i takon komunës jugore.
Përplasjet e partive politike në Kosovës, po reflektojnë negativisht te të rinjtë, madje edhe duke i shndërruar ata në mjet për realizimin e qëllimeve të partive, thonë disa të rinj në Prishtinë.
Tetë-vjetori i pavarësisë, Kosovën e ka gjetur me pozicionime të skajshme kundërshtuese të subjekteve politike në pushtet dhe atyre në opozitë, me Kuvend që nuk funksionon në kushte normale, si dhe me subjektivitet ndërkombëtar të papërfunduar.
Diskursi i përdorur nga liderët e partive politike në Kosovë vetëm sa i ka çimentuar pozicionet e tyre të skajshme dhe ka lënë të nënkuptohet se të dyja palët ende janë larg një zgjidhjeje të krizës politike, e cila e ka kapluar vendin tash e sa muaj.
Disa dhjetëra mijëra qytetarë morën pjesë në protestën e thirrur nga tri subjektet politike në opozitë, Lëvizja Vetëvendosje, Aleanca për Ardhmërinë e Kosovës dhe Nisma për Kosovën. Në protestë është bërë thirrje për dorëheqje të Qeverisë së Kosovës.
Përfaqësuesit e institucioneve të Kosovës kanë uruar qytetarët e vendit për tetë vjetorin e pavarësisë së shtetit të tyre, por edhe me thirrjet që festa e 17 shkurtit të mos zbehet, duke iu referuar protestës së paralajmëruar nga partitë opozitare.
Njohësit e zhvillimeve në Kosovë, vlerësojnë se publikimi i listave të uzurpatorëve të pronave shoqërore nga ana e Agjencisë Kosovar të Privatizimit, është nismë drejtë hapjes së problematikës kryesore që ka karakterizuar privatizimin në Kosovë.
Shfaq më shumë
