Rubrikat

Lajmi i fundit

Edona Peci

Prodhuar nga Edona Peci

10 mars 2009
Kritikat rreth zgjidhjes së ombudspersonit

Mungesa e një avokati të popullit në Kosovë po dëmton demokracinë në vend duke pamundësuar mbrojtjen e lirive dhe të drejtave të njeriut në mënyrë institucionale, thonë përfaqësues të institucioneve vendore dhe ndërkombëtare në Kosovë. Konkursi i katërt me radhë për avokatin e popullit do të përmbyllet, ndërkohë, më datën 23 mars të këtij viti.
9 mars 2009
Brishtësia e drejtësisë kosovare

Misioni i Bashkimit Evropian për polici dhe drejtësi, EULEX e konsideron akoma të brishtë sistemin e drejtësisë në Kosovë. Zyrtarët e këtij misioni numërojnë disa arsye për një situatë të këtillë, derisa përfaqësuesit e institucioneve kosovare thonë se problemi kryesor është mungesa e mbështetjes financiare.
6 mars 2009
UNMIK i tejkaluar, EULEX e ardhmja(?)

E ardhmja e Kosovës dhe e gjithë Ballkanit Perëndimor është në BE, tha drejtori i përgjithshëm për BE-në në Ministrinë e Jashtme çeke, Libor Secka. Kosova zotohet për bashkëpunim të ngushtë me BE-në dhe misionet e saj në Kosovë, duke e quajtur të panevojshëm rolin e UNMIK-ut në vend.
5 mars 2009
Mosnjohja nga e gjithë BE-ja pengon Kosovën?

Zyrtarë të Qeverisë së Kosovës thonë se institucionet po hasin në pengesa në marrëdhëniet me BE-në për shkak të mungesës së njohjeve nga 5 shtetet anëtare të këtij mekanizmi. Ekspertët thonë se ky fakt ndikon dhe në punën e EULEX-it.
4 mars 2009
Kritikohet diplomacia kosovare

Përfaqësues të opozitës në Kosovë, si dhe ata të shoqërisë civile, kanë hedhur një varg kritikash në drejtim të institucioneve të Kosovës lidhur me politikën e jashtme. Në një debat ku u diskutua kjo çështje, diplomacia kosovare është cilësuar si e mangët në shumë aspekte.
3 mars 2009
Gay: Reduktimi i KFOR-it në gjithë Kosovën

Komandanti i KFOR-it, Guiseppe Emilio Gay, thotë se reduktimet e paralajmëruara të trupave të misionit të NATO-së në Kosovë do të bëhen në të gjithë Kosovën. Policia e Kosovës njofton se tanimë ka marrë një pjesë të përgjegjësive nga KFOR-i.
24 shkurt 2009
Mjekët në grevë

Federata Sindikale e Shëndetësisë njofton se në mbarë Kosovën ka filluar një grevë e përgjithshme në të tria nivelet e sistemit të shëndetësisë, me kërkesë të zbatimit në tërësi të marrëveshjes së 14 tetorit të vitit 2008.
23 shkurt 2009
6-pikëshi dhe integrimi i Mitrovicës

Udhëheqësit institucionalë të Mitrovicës u bëjnë thirrje serbëve të këtij qyteti të harrojnë 6-pikëshin e OKB-së. Përfaqësuesit e serbëve, pa e kuptuar mirë përmbajtjen e këtij plani, kërkojnë të zbatohet.
22 shkurt 2009
A do ndalohen vizitat e zyrtarëve serbë në Kosovë?

Qeveria e Kosovës zotohet se do të urdhërojë arrestimin e të gjithë atyre personave, të cilët, me përcjellje të armatosur, tentojnë të hyjnë në territorin e Republikës së Kosovës, pa lejen paraprake nga ekzekutivi kosovar.
20 shkurt 2009
Kur do të kompletohet shërbimi diplomatik?

Ministria e Punëve të Jashtme zotohet se së shpejti do zgjidhen bartësit për shërbimin konsullor të shtetit jashtë vendit, por njofton se përzgjedhja e ambasadorëve të shtetit në arenën ndërkombëtare do të marrë kohë.
19 shkurt 2009
Gjykatat në veri akoma jo tërësisht funksionale

Gjykatat në veri të Kosovës, edhe pas një viti të ndërprerjes së punës së zakonshme, për shkak të kundërshtimit të serbëve ndaj pjesëmarrjes në këto organe, funksionojnë vetëm me gjykatës ndërkombëtarë të EULEX-it.
18 shkurt 2009
Përpjekjet për ringjalljen e bisedimeve

Shefi i administratës së OKB-së në Kosovë, Lamberto Zannier, pritet të udhëtojë në Beograd në fund të javës, për t'i biseduar me zyrtarë të shtetit serb çështjet teknike që dalin nga raporti i fundit i kreut të OKB-së, si policia, doganat, gjyqësia e tjera.
16 shkurt 2009
Serbët: Pavarësia e Kosovës s'ka sjellë asgjë

Serbët e fshatit Dobratin, në rrethinë të Lipjanit, shprehen pesimistë rreth zhvillimeve që kanë ndodhur në Kosovë përgjatë një viti, prejse u shpall pavarësia e Republikës. Një pjesë e tyre kundërshtojnë të pranojnë Kosovën e pavarur, ndërsa të tjerët shprehen të pakënaqur me angazhimin e institucioneve të Kosovës në përmirësimin e kushteve të jetës së serbëve nëpër Kosovë.
12 shkurt 2009
Siguria në festën e pavarësisë

Policia e Kosovës njofton se ka bërë përgatitjet e duhura dhe se është e gatshme të përballet me çfarëdolloj skenari në shënimin e njëvjetorit të pavarësisë së Kosovës. Edhe KFOR-i, edhe misioni i Bashkimit Evropian për polici dhe drejtësi, EULEX, zotohen të jenë të gatshëm që në rast nevoje, t’i marrin masat e duhura për ta mbajtur nën kontroll situatën.
11 shkurt 2009
Thirrje kundër provokimeve në veri

Liderët kosovarë u drejtuan mesazhe serbëve të veriut që të distancohen nga politika e Beogradit dhe të ardhmen e tyre ta shohin në Kosovë. Ndërkaq, analistët vlerësojnë se Qeveria s’ka vepruar në mënyrë konkrete për shtrirjen e autoritetit në veri.
10 shkurt 2009
10 shkurti, ende pa përgjegjës

Zyrtarë të UNMIK-ut thonë se po vazhdojnë hetimet për rastin e Mon Balajt dhe Arben Xheladinit - të vrarë gjatë protestës së 10 shkurtit, 2007. “Vetëvendosja” akuzon institucionet vendore e ndërkombëtare për ngecje në ndriçimin e rastit.
9 shkurt 2009
PER: Po ngec riatdhesimi i romëve

Projekti për Marrëdhënie Etnike, gjatë një tryeze diskutimi që u mbajt në Prishtinë, vlerësoi se institucionet kosovare kanë hedhur hapa përpara në integrimin e komunitetit rom, ashkali dhe egjiptas në Kosovë, por se kjo çështje kërkon angazhim akoma më të madh.
6 shkurt 2009
Lëmshi rreth CEFTA-s

Qeveria e Kosovës duket se ende s'e ka të qartë se si të zgjidhë çështjen e bllokadës, bërë mallrave kosovare nga Serbia e Bosnja. Zyrtarë ndërkombëtarë thonë se problemi duhet zgjidhur mes Kosovës e CEFTA-s.
5 shkurt 2009
Model i ri për decentralizimin e Mitrovicës

Përfaqësues të Ministrisë së Pushtetit Lokal pritet të hartojnë një model të ri për decentralizmin e Mitrovicës, por thonë se zbatimi i çfarëdo plani mund të ndodhë vetëm me pjesëmarrjen e serbëve.
3 shkurt 2009
Pritet vendimi për embargo

Opozita në Kosovë i kërkon ekzekutivit kosovar që të marrë masa reciprociteti ndaj embargos që Serbia dhe Bosnja e Hercegovina ua kanë vënë, kohë më parë, produkteve kosovare. Ndërkohë, Qeveria e Kosovës konsideron se duhet të veprohet në mënyrë të matur në këtë drejtim.

Shfaq më shumë

Kthehu në fillim

XS

SM

MD

LG