Pasditen e së enjtes janë larguar barrikadat në fshatin Rudarë, i cili gjindet në komunën e Zveçanit, raportojnë gazetarët e Radios Evropa e Lirë nga terreni.
Sipas informatave nga terreni, po bëhen përgatitje për largimin e barrikadave edhe në Mitrovicë të Veriut.
Barrikadat janë hequr nga rrugët edhe në komunën e Leposaviqit dhe të Zubin Potokut.Rrugët kryesore që çojnë drejt Jarinjës dhe Bërnjakut – pikat kufitare që lidhin Kosovën me Serbinë – ishin bllokuar që nga 10 dhjetori.
Barrikadat në veri të Kosovës u ngritën nga disa grupe serbësh, për të kundërshtuar arrestimin e një ish-polici serb të Policisë së Kosovës.
(Përgatiti: Syzanë Paçarizi)
Largohen barrikadat në veri
Njerëzit me maska shihen afër barrikadës në veri të Mitrovicës, 29 dhjetor 2022.
Largimin i barrikadave në Mitrovicë të Veriut. 29 dhjetor 2022.
Pasditen e së enjtes ka nisur largimi i barrikadave në fshatin Rudare, i cili gjindet në Zveçan, raportojnë gazetarët e Radios Evropa e Lirë nga terreni.
Largimi i barrikadave në Rudarë pasditen e 29 dhjetorit 2022.
Rudarë, 29 dhjetor 2022
Çadra të ngritura jo larg barrikadave në Rudarë. Pasditen e së enjtes ka nisur largimi i automjeteve të vendosura si barrikadë në Rudarë.
Gjurmë nga zjarri që kanë përdorur për t'u ngrohur personat që rrinin në barrikadat e vendosura në rrugë në fshatin Rudarë.
Këto janë pamje nga ana tjetër e barrikadës në Rudarë, në veri të Kosovës, paraditen e 29 dhjetorit 2022.
Numri i qytetarëve që qëndronin në barrikadën e vendosur në Rudarë të Zveçanit paraditen e së enjtes ishte më i vogël sesa ditëve tjera. Njerëzve që punojnë në institucionet e Serbisë në veri iu është thënë që më nuk kanë nevojë të dalin në barrikada.
Kontejnerë mbeturinash të zhvendosur në rrugët e fshatit Rudarë.
Për të enjten ishte paralajmëruar largimi i barrikadave nga rrugët e pjesës veriore të Kosovës, por në Rudarë nuk kishte nisur largimi deri pasdite.
Pamje gjatë paradites në Rudarë...
Pamje e barrikadës nga ana tjetër në Rudarë, paraditen e 29 dhjetorit 2022.