Edhe gati tre vjet pas shpalljes së pavarësisë së Kosovës, gjendja sociale nuk ka ndryshuar shumë, thonë disa qytetarë dhe njohës të çështjeve ekonomike. Sipas tyre, edhe pas kësaj periudhe problem kryesor mbetet shkalla e lartë e papunësisë. Në anën tjetër, zyrtarë të Qeverisë në dorëheqje, thonë se në këtë fushë Kosova ka shënuar rezultate, por jo në nivelin e duhur.
Tre vjet më parë, para shpalljes së pavarësisë, pritjet e kosovarëve ishin se me formimin e shtetit të ri, do të përmirësohej edhe gjendja sociale, duke u rritur në këtë mënyrë shkalla e punësimit.
Por, një gjë e tillë, sipas tyre dhe njohësve të çështjeve ekonomike, nuk ndodhi, pasi, siç thonë ata, edhe pas kësaj periudhe, gjendja sociale ka mbetur shumë e vështirë.
Nexhat Shatri, qytetar nga Prishtina, thotë se ka shpresuar se pas shpalljes së pavarësisë, do të rritet numri i të punësuarve në vend.
“Kemi pritur, jo menjëherë, por për një kohë pak më të shpejtë sesa para shpalljes së pavarësisë. Jam zhgënjyer, krejtësisht, sepse askush nuk ka bërë asgjë në atë drejtim. Askush nuk po mendon për rininë, për të papunët. Të gjithë po vrapojnë pas pozitave politike”, thotë Shatri.
Ndërkaq, Pajazit Halimi shprehet:
“Kam menduar se nuk do të ketë njerëz nëpër rrugë, të gjithë do të punësohen si në Evropë. Tashmë çdo i dyti është i papunë, të punësuar janë vetëm ata, të cilët kanë familjarë në pozita”.
Edhe Reshat Salihu thotë se ka pritur që shpallja e pavarësisë do ta ulë shkallën e papunësisë, rrjedhimisht do ta përmirësojë gjendjen sociale të qytetarëve:
“Kam pritur shumë, sepse kjo qeveri ka premtuar shumë se do të hapë vende të reja të punës. Por, nuk kanë bërë asgjë. Njerëzit vazhdojnë të jetojnë në varfëri të skajshme, ndërkaq rreth 60 për qind e popullatës janë të papunë”.
Këto pritje të qytetarëve edhe pas tre vjetësh shtetësi, mbesin aktuale, pasi nuk ka pasur hapje të vendeve të reja të punës dhe as ulje të shkallës së varfërisë, thonë njohës të çështjeve ekonomike.
Madje, sipas tyre, kërcënim më i madh i stabilitetit të vendit edhe gati tre vjet pas shpalljes së pavarësisë, mbetet gjendja e rëndë socio-ekonomike.
Agron Demi, nga instituti GAP, vlerëson se gjendja sociale gjatë këtyre tre vjetëve ka shkuar duke u përkeqësuar dhe jo duke u përmirësuar.
“Nëse i marrim të dhënat e papunësisë në vitin 2010, papunësia ka qenë 45 për qind, që është e njëjtë me shkallën që është treguar në vitin 2006. Kurse, varfëria ekstreme ka shkuar duke u rritur prej 15 deri në 18 për qind”.
“Sipas të dhënave të Bankës Botërore, familjet kosovare, shumicën apo mbi 50 për qind të të ardhurave të tyre i shpenzojnë për produkte ushqimore, kurse dihet se çmimet e produkteve ushqimore në këto tre vjetët e fundit kanë shkuar duke u rritur”, thekson Demi.
Në anën tjetër, zyrtarë të Qeverisë në dorëheqje, thonë se viteve të fundit ka pasur rritje të numrit të të punësuarve, por jo në nivelin e duhur.
Hafiz Leka nga Ministria e Punës dhe Mirëqenies Sociale, thotë se kjo ministri vazhdimisht po bën përpjekje për krijimin e kushteve për rritjen e numrit të të punësuarve.
“Nëse shikohet sipas statistikave, këtu nuk ekziston ndonjë dallim i madh, përveçse në vitin 2008, krahasuar me 2010 dhe 2006 dallon deri në 1000 persona, e kështu më radhë”, thotë Leka.
Por, Agron Demi, nga Instituti për Studime të Avancuara, GAP, thotë se në vitin e tretë të pavarësisë, Kosova po hyn me gjendjen më të vështirë sociale.
“Me vendimin e pamatshëm të Qeverisë së Kosovës në fillim të vitit 2011, gjendja sociale është prekur në maksimum. Njerëzit nuk kanë qenë kurrë më shumë të revoltuar sesa në këtë kohë. Sa më parë duhet të krijohen institucionet qeveritare dhe të mundohen ta zgjidhin këtë problem”, vlerëson Demi.
Por, pavarësisht këtyre, shkalla e papunësisë dhe varfërisë vlerësohet të jetë më e larta në rajon. Sipas shifrave zyrtare, mbi 43 për qind e qytetarëve, që janë të aftë për punë, janë të papunë.
Ndërkaq, rreth 45 për qind e popullsisë thuhet se jeton në varfëri, prej tyre 15 për qind në varfëri të skajshme. Kurse, paga mesatare për ata që punojnë, sillet rreth 272 euro në muaj.
Lexoni edhe këto:
Shtohen kërkesat për asistencë sociale
Fëmijët si fuqi punëtore
Shpërthimi social, real
Tre vjet më parë, para shpalljes së pavarësisë, pritjet e kosovarëve ishin se me formimin e shtetit të ri, do të përmirësohej edhe gjendja sociale, duke u rritur në këtë mënyrë shkalla e punësimit.
Por, një gjë e tillë, sipas tyre dhe njohësve të çështjeve ekonomike, nuk ndodhi, pasi, siç thonë ata, edhe pas kësaj periudhe, gjendja sociale ka mbetur shumë e vështirë.
Nexhat Shatri, qytetar nga Prishtina, thotë se ka shpresuar se pas shpalljes së pavarësisë, do të rritet numri i të punësuarve në vend.
“Kemi pritur, jo menjëherë, por për një kohë pak më të shpejtë sesa para shpalljes së pavarësisë. Jam zhgënjyer, krejtësisht, sepse askush nuk ka bërë asgjë në atë drejtim. Askush nuk po mendon për rininë, për të papunët. Të gjithë po vrapojnë pas pozitave politike”, thotë Shatri.
Ndërkaq, Pajazit Halimi shprehet:
Kam menduar se nuk do të ketë njerëz nëpër rrugë, të gjithë do të punësohen
si në Evropë.
“Kam menduar se nuk do të ketë njerëz nëpër rrugë, të gjithë do të punësohen si në Evropë. Tashmë çdo i dyti është i papunë, të punësuar janë vetëm ata, të cilët kanë familjarë në pozita”.
Edhe Reshat Salihu thotë se ka pritur që shpallja e pavarësisë do ta ulë shkallën e papunësisë, rrjedhimisht do ta përmirësojë gjendjen sociale të qytetarëve:
“Kam pritur shumë, sepse kjo qeveri ka premtuar shumë se do të hapë vende të reja të punës. Por, nuk kanë bërë asgjë. Njerëzit vazhdojnë të jetojnë në varfëri të skajshme, ndërkaq rreth 60 për qind e popullatës janë të papunë”.
Këto pritje të qytetarëve edhe pas tre vjetësh shtetësi, mbesin aktuale, pasi nuk ka pasur hapje të vendeve të reja të punës dhe as ulje të shkallës së varfërisë, thonë njohës të çështjeve ekonomike.
Madje, sipas tyre, kërcënim më i madh i stabilitetit të vendit edhe gati tre vjet pas shpalljes së pavarësisë, mbetet gjendja e rëndë socio-ekonomike.
Agron Demi, nga instituti GAP, vlerëson se gjendja sociale gjatë këtyre tre vjetëve ka shkuar duke u përkeqësuar dhe jo duke u përmirësuar.
“Nëse i marrim të dhënat e papunësisë në vitin 2010, papunësia ka qenë 45 për qind, që është e njëjtë me shkallën që është treguar në vitin 2006. Kurse, varfëria ekstreme ka shkuar duke u rritur prej 15 deri në 18 për qind”.
“Sipas të dhënave të Bankës Botërore, familjet kosovare, shumicën apo mbi 50 për qind të të ardhurave të tyre i shpenzojnë për produkte ushqimore, kurse dihet se çmimet e produkteve ushqimore në këto tre vjetët e fundit kanë shkuar duke u rritur”, thekson Demi.
Në anën tjetër, zyrtarë të Qeverisë në dorëheqje, thonë se viteve të fundit ka pasur rritje të numrit të të punësuarve, por jo në nivelin e duhur.
Hafiz Leka nga Ministria e Punës dhe Mirëqenies Sociale, thotë se kjo ministri vazhdimisht po bën përpjekje për krijimin e kushteve për rritjen e numrit të të punësuarve.
“Nëse shikohet sipas statistikave, këtu nuk ekziston ndonjë dallim i madh, përveçse në vitin 2008, krahasuar me 2010 dhe 2006 dallon deri në 1000 persona, e kështu më radhë”, thotë Leka.
Por, Agron Demi, nga Instituti për Studime të Avancuara, GAP, thotë se në vitin e tretë të pavarësisë, Kosova po hyn me gjendjen më të vështirë sociale.
Me vendimin e pamatshëm të Qeverisë së Kosovës në fillim të vitit 2011, gjendja sociale është prekur në maksimum.
“Me vendimin e pamatshëm të Qeverisë së Kosovës në fillim të vitit 2011, gjendja sociale është prekur në maksimum. Njerëzit nuk kanë qenë kurrë më shumë të revoltuar sesa në këtë kohë. Sa më parë duhet të krijohen institucionet qeveritare dhe të mundohen ta zgjidhin këtë problem”, vlerëson Demi.
Por, pavarësisht këtyre, shkalla e papunësisë dhe varfërisë vlerësohet të jetë më e larta në rajon. Sipas shifrave zyrtare, mbi 43 për qind e qytetarëve, që janë të aftë për punë, janë të papunë.
Ndërkaq, rreth 45 për qind e popullsisë thuhet se jeton në varfëri, prej tyre 15 për qind në varfëri të skajshme. Kurse, paga mesatare për ata që punojnë, sillet rreth 272 euro në muaj.
Lexoni edhe këto:
Shtohen kërkesat për asistencë sociale
Fëmijët si fuqi punëtore
Shpërthimi social, real