Përshëndetje për të gjithë,
Radio Evropa e Lirë ka informacione nga terreni që flasin për lëshimin e sirenave të alarmit në Mitrovicë të Veriut.
Mësohet se qytetarët serbë kanë filluar të grumbullohen në qytet.
Sipas disa qytetarëve me të cilët ka kontaktuar REL-i, në veri të vendit është zhvilluar më herët një operacion arrestimi nga ana e Policise së Kosovës.
Të nderuar lexues,
Këtu po e përmbyllim mbulimin e drejtëpërdrejt të ngjarjeve në veri të Kosovës.
Informacionet e tjera për zhvillimet në veri, mund t’i gjeni te rubrika jonë e lajmeve.
Ju falënderojmë për besimin!
Çfarë janë duke bërë kryetarët në veri?
Derisa përmendet opsioni i zgjedhjeve të reja lokale në veri të Kosovës, kryetarët shqiptarë të katër komunave me shumicë serbe atje thonë se janë duke kryer detyrat që ua kërkon mandati.
Hyrja e kryetarëve shqiptarë në objektet komunale më 26 maj, përkundër rezistencës së banorëve lokalë, ka shkaktuar tensione në këtë zonë, që vazhdojnë edhe sot.
Artikulli i plotë:
Vuçiq kërkon autonomi më të madhe për serbët në veri
Presidenti i Serbisë, Aleksandar Vuçiq, i bëri thirrje Kosovës që të mos organizojë zgjedhje të reja për kryetarë të komunave në veri të vendit, derisa të arrihet autonomi më e madhe për serbët etnikë, që përbëjnë shumicën lokale dhe të cilët bojkotuan votimet paraprake.
“Të gjithë serbët në veri e mendojnë Serbinë si vendin e tyre, jo Kosovën. Ky është realiteti”, tha Vuçiq në një intervistë për Reuters-in, më 9 qershor.
Ai tha se “dikush duhet ta marrë situatën nën kontroll dhe të organizojë zgjedhjet (e reja) atje”.
Lajmi i plotë:
