Analistët politikë në Kosovë kanë mendime të ndryshme për atë që po cilësohet si sfidë për Partinë Demokratike të Kosovës dhe për kryetarin e saj, Hashim Thaçi, të formojë një koalicion qeverisës.
Partia e zotit Thaçi ka fituar zgjedhjet e parakohshme parlamentare të dielën, më 8 qershor, por nuk ka vota të mjaftueshme për ta formuar e vetme qeverinë.
Krenar Gashi nga Instituti për Politika Zhvillimore, INDEP, konsideron se PDK-ja, menjëherë pasi të marrë mandatin nga presidentja e Kosovës për të formuar qeverinë, do të mund ta bëjë koalicionin.
“Këtë po e them për arsye se zoti Thaçi, është treguar zemër-gjerë me të gjitha partitë e vogla në koalicionin e tij parazgjedhor dhe kësisoji do të vazhdojë edhe pas zgjedhjeve, duke iu ofruar partive të tjera, konkretisht Aleancës për Ardhmërinë e Kosovës dhe Nismës për Kosovën një ofertë të pa-refuzueshme për ta formuar qeverinë”, tha Gashi.
Analisti tjetër politik, Imer Mushkolaj, konsideron se nëse partitë politike, Lidhja Demokratike Kosovës, Lëvizja Vetëvendosje dhe Aleanca për Ardhmërinë e Kosovës, u qëndrojnë besnike fjalëve që i kanë thënë gjatë fushatës zgjedhore për të mos hyrë në koalicion me PDK-në, atëherë kjo e fundit do ta ketë të vështirë formimin e koalicionit.
“E para, nëse partitë politike që tashmë kanë fituar më shumë vota, u qëndrojnë besnike fjalëve ose deklarimeve që në asnjë mënyrë nuk do të bëjnë koalicion me zotin Thaçi - e që unë besoj që kjo nuk është e mundshme - atëherë zoti Thaçi vihet në një pozitë të veshtirë në kuptimin se do të duhej të gjejë një partner tjetër”, tha Mushkolaj.
Megjithatë, sipas Mushkolajt nga përvoja e kaluar, si LDK-ja, po ashtu edhe AAK-ja, nuk u kanë qëndruar besnike fjalëve, parimeve dhe ideologjive të tyre.
Ai thekson se nuk do të duket fare e çuditshme nëse shumë shpejt do të arrihet një koalicion në mes të PDK-së, LDK-së, AAK-së dhe Nismës për Kosovën, me arsyetimin se ketë koalicion e bëjnë për të mirën e interesit nacional.
“E dimë se në të kaluarën ka ndodhur që pikërisht, interesimi i faktorit ndërkombëtar në kuptimin se kah do të shkojë vendi në të ardhmen, është determinues për krijimin e koalicioneve".
"Ndërkaq, nëse nuk do ta kemi ketë ndikim ose përpjekje të faktorit ndërkombëtar për të formuar një koalicion, atëherë po them se zoti Thaçi është shumë komod në kuptimin e ofertave që do t’ju japë partive politike”, tha Mushkolaj.
Përfaqësues të Partisë Demokratike të Kosovës kanë deklaruar se PDK-ja do të synojë krijimin e një koalicioni të gjerë dhe stabil, pavarësisht se me cilat parti.
Ata kanë deklaruar se është e nevojshme që të ketë një shumicë stabile ku nuk do të paraqiten probleme për sa i përket vendim-marrjeve të rëndësishme.
Në cilindo rast, analistët pohojnë se përbërja e qeverisë së ardhshme do të përballet me jo pak sfida, duke nisur nga vazhdimi i bisedimeve me Serbinë për normalizimin e marrëdhënieve e deri te themelimi i Tribunalit i cili do të merret me krimet e luftës në Kosovë.
Partia e zotit Thaçi ka fituar zgjedhjet e parakohshme parlamentare të dielën, më 8 qershor, por nuk ka vota të mjaftueshme për ta formuar e vetme qeverinë.
Krenar Gashi nga Instituti për Politika Zhvillimore, INDEP, konsideron se PDK-ja, menjëherë pasi të marrë mandatin nga presidentja e Kosovës për të formuar qeverinë, do të mund ta bëjë koalicionin.
“Këtë po e them për arsye se zoti Thaçi, është treguar zemër-gjerë me të gjitha partitë e vogla në koalicionin e tij parazgjedhor dhe kësisoji do të vazhdojë edhe pas zgjedhjeve, duke iu ofruar partive të tjera, konkretisht Aleancës për Ardhmërinë e Kosovës dhe Nismës për Kosovën një ofertë të pa-refuzueshme për ta formuar qeverinë”, tha Gashi.
Analisti tjetër politik, Imer Mushkolaj, konsideron se nëse partitë politike, Lidhja Demokratike Kosovës, Lëvizja Vetëvendosje dhe Aleanca për Ardhmërinë e Kosovës, u qëndrojnë besnike fjalëve që i kanë thënë gjatë fushatës zgjedhore për të mos hyrë në koalicion me PDK-në, atëherë kjo e fundit do ta ketë të vështirë formimin e koalicionit.
“E para, nëse partitë politike që tashmë kanë fituar më shumë vota, u qëndrojnë besnike fjalëve ose deklarimeve që në asnjë mënyrë nuk do të bëjnë koalicion me zotin Thaçi - e që unë besoj që kjo nuk është e mundshme - atëherë zoti Thaçi vihet në një pozitë të veshtirë në kuptimin se do të duhej të gjejë një partner tjetër”, tha Mushkolaj.
Megjithatë, sipas Mushkolajt nga përvoja e kaluar, si LDK-ja, po ashtu edhe AAK-ja, nuk u kanë qëndruar besnike fjalëve, parimeve dhe ideologjive të tyre.
Ai thekson se nuk do të duket fare e çuditshme nëse shumë shpejt do të arrihet një koalicion në mes të PDK-së, LDK-së, AAK-së dhe Nismës për Kosovën, me arsyetimin se ketë koalicion e bëjnë për të mirën e interesit nacional.
“E dimë se në të kaluarën ka ndodhur që pikërisht, interesimi i faktorit ndërkombëtar në kuptimin se kah do të shkojë vendi në të ardhmen, është determinues për krijimin e koalicioneve".
"Ndërkaq, nëse nuk do ta kemi ketë ndikim ose përpjekje të faktorit ndërkombëtar për të formuar një koalicion, atëherë po them se zoti Thaçi është shumë komod në kuptimin e ofertave që do t’ju japë partive politike”, tha Mushkolaj.
Përfaqësues të Partisë Demokratike të Kosovës kanë deklaruar se PDK-ja do të synojë krijimin e një koalicioni të gjerë dhe stabil, pavarësisht se me cilat parti.
Ata kanë deklaruar se është e nevojshme që të ketë një shumicë stabile ku nuk do të paraqiten probleme për sa i përket vendim-marrjeve të rëndësishme.
Në cilindo rast, analistët pohojnë se përbërja e qeverisë së ardhshme do të përballet me jo pak sfida, duke nisur nga vazhdimi i bisedimeve me Serbinë për normalizimin e marrëdhënieve e deri te themelimi i Tribunalit i cili do të merret me krimet e luftës në Kosovë.
