Disa nga anëtarët e Lidhjes Demokratike të Kosovës, në krye me Ukë Rugovën, Bujar Bukoshin dhe Astrit Haraçinë, kanë marrë vendim për krijimin e një liste alternative të LDK-së, të quajtur "LDK - Ibrahim Rugova”, me të cilën planifikojnë të kandidojnë në zgjedhjet e ardhshme parlamentare.
Ukë Rugova, djali i presidentit të ndjerë, Ibrahim Rugova, ka thënë se me krijimin e kësaj liste, nuk do të thotë që po formohet një parti e re.
“Me vendimin për krijimin e listës 'LDK – Ibrahim Rugova’ ne nuk e braktisim LDK-në dhe nuk po krijojmë parti të re. Me këtë iniciativë po krijojmë alternativë për votuesit e LDK-së që janë dëshpëruar nga keqmenaxhimi i vazhdueshëm i kësaj partie që nga marrja e udhëheqjes nga zoti Sejdiu”, ka thënë Rugova.
Ky vendim, sipas Ukë Rugovës, vjen pas një takimi me kryetarin aktual të LDK-së, Fatmir Sejdiu, nga i cili është kërkuar që ta lëshojë rrugën për reforma dhe ringjallje të LDK-së.
Rugava ka thënë, po ashtu, se Sejdiu, për arsye shumë personale ka refuzuar kategorikisht që të largohet nga udhëheqja e LDK-së
“Me këtë konsiderojmë që janë shterur të gjitha mundësitë për të gjetur rrugëdalje nga kriza, në të cilën është sjellë LDK-ja. Që nga fillimi i shtatorit ne kemi identifikuar nisjen e një krize, e cila kulmoi me sjelljen inatçore të kreut të LDK-së, që solli vendin në krizë institucionale”, ka theksuar Rugova.
Nga ana e tij, Bujar Bukoshi ka akuzuar Fatmir Sejdiun se qëllimisht është tërhequr nga koalicioni me Partinë Demokratike të Kosovës, siç ka thënë ai, për të pasur në fokus prishjen e koalicionit, e jo zgjedhjet në LDK.
“Kjo është shumë e qartë - që të zhvendoset vëmendja nga procesi zgjedhor i LDK-së, për t’ju shmangur rregullave demokratike, e cila (LDK) gjithmonë ka qenë e njohur për demokraci brendapërbrenda”, ka pohuar Bukoshi.
Sikurse Rugova, edhe Bukoshi ka hedhur poshtë çdo mundësi që nga LDK-ja aktuale të dalë edhe një parti e re.
“As që bëhet fjalë për një parti të re politike, ose subjekt politik, por është fjala për një iniciativë qytetare, e cila me ligj mundësohet dhe qëllimi i së cilës është që shpëtohen votat e LDK-së. Nuk ka asgjë polizive në të, prandaj ne takohemi në Kuvend pas prurjeve të reja”.
“Ne jemi të vetëdijshëm që kjo do të krijojë një asociacion të asaj që u tha, të traumave për përçarje. Por, nuk kemi dhënë pretekst, e as nuk jemi ata që përçajmë”, ka shpjeguar Bukoshi.
Këto deklarata u bënë në një konferencë për media të mbajtur në rezidencën e presidentit të ndjerë, Rugova, e cila u quajt “rezidenca e LDK-së së vërtetë”, ndërsa selia tjetër e LDK-së u quajt “LDK-ja e Thaçit”.
Megjithatë, Bujar Bukoshi ka vlerësuar se Kuvendi zgjedhor i LDK-së, që do të mbahet, do të jetë, siç është shprehur ai, sa për sy e faqe.
“Do të ketë një Kuvend sa për t’iu shmangur sfidave ligjore dhe do të ketë një Kuvend, i cili do të jetë ‘Thaçi II’ ”, është shprehur Bukoshi.
Ndërkohë, rreth përmbajtjes së listës dhe anëtarëve të saj, u tha se detajet do të publikohen gjatë ditëve në vijim dhe, sipas tyre, ajo është e hapur.
Ukë Rugova, djali i presidentit të ndjerë, Ibrahim Rugova, ka thënë se me krijimin e kësaj liste, nuk do të thotë që po formohet një parti e re.
...po krijojmë alternativë për votuesit e LDK-së që janë dëshpëruar nga keqmenaxhimi i vazhdueshëm i kësaj partie...
“Me vendimin për krijimin e listës 'LDK – Ibrahim Rugova’ ne nuk e braktisim LDK-në dhe nuk po krijojmë parti të re. Me këtë iniciativë po krijojmë alternativë për votuesit e LDK-së që janë dëshpëruar nga keqmenaxhimi i vazhdueshëm i kësaj partie që nga marrja e udhëheqjes nga zoti Sejdiu”, ka thënë Rugova.
Ky vendim, sipas Ukë Rugovës, vjen pas një takimi me kryetarin aktual të LDK-së, Fatmir Sejdiu, nga i cili është kërkuar që ta lëshojë rrugën për reforma dhe ringjallje të LDK-së.
Rugava ka thënë, po ashtu, se Sejdiu, për arsye shumë personale ka refuzuar kategorikisht që të largohet nga udhëheqja e LDK-së
“Me këtë konsiderojmë që janë shterur të gjitha mundësitë për të gjetur rrugëdalje nga kriza, në të cilën është sjellë LDK-ja. Që nga fillimi i shtatorit ne kemi identifikuar nisjen e një krize, e cila kulmoi me sjelljen inatçore të kreut të LDK-së, që solli vendin në krizë institucionale”, ka theksuar Rugova.
Nga ana e tij, Bujar Bukoshi ka akuzuar Fatmir Sejdiun se qëllimisht është tërhequr nga koalicioni me Partinë Demokratike të Kosovës, siç ka thënë ai, për të pasur në fokus prishjen e koalicionit, e jo zgjedhjet në LDK.
“Kjo është shumë e qartë - që të zhvendoset vëmendja nga procesi zgjedhor i LDK-së, për t’ju shmangur rregullave demokratike, e cila (LDK) gjithmonë ka qenë e njohur për demokraci brendapërbrenda”, ka pohuar Bukoshi.
Sikurse Rugova, edhe Bukoshi ka hedhur poshtë çdo mundësi që nga LDK-ja aktuale të dalë edhe një parti e re.
“As që bëhet fjalë për një parti të re politike, ose subjekt politik, por është fjala për një iniciativë qytetare, e cila me ligj mundësohet dhe qëllimi i së cilës është që shpëtohen votat e LDK-së. Nuk ka asgjë polizive në të, prandaj ne takohemi në Kuvend pas prurjeve të reja”.
“Ne jemi të vetëdijshëm që kjo do të krijojë një asociacion të asaj që u tha, të traumave për përçarje. Por, nuk kemi dhënë pretekst, e as nuk jemi ata që përçajmë”, ka shpjeguar Bukoshi.
Këto deklarata u bënë në një konferencë për media të mbajtur në rezidencën e presidentit të ndjerë, Rugova, e cila u quajt “rezidenca e LDK-së së vërtetë”, ndërsa selia tjetër e LDK-së u quajt “LDK-ja e Thaçit”.
Megjithatë, Bujar Bukoshi ka vlerësuar se Kuvendi zgjedhor i LDK-së, që do të mbahet, do të jetë, siç është shprehur ai, sa për sy e faqe.
“Do të ketë një Kuvend sa për t’iu shmangur sfidave ligjore dhe do të ketë një Kuvend, i cili do të jetë ‘Thaçi II’ ”, është shprehur Bukoshi.
Ndërkohë, rreth përmbajtjes së listës dhe anëtarëve të saj, u tha se detajet do të publikohen gjatë ditëve në vijim dhe, sipas tyre, ajo është e hapur.
