Përgatitja e ushqimit për fëmijët në çerdhet e Prishtinës

Vakte ushqimore që u servohen fëmijëve në kopshtet në Prishtinë. 

Një punonjëse në Kuzhinën Qendrore në Prishtinë. Ky institucion është përgjegjës për përgatitjen e tri vakteve ushqimore për fëmijët e çerdheve në kryeqytet. 

Një punonjëse e Kuzhinës Qendrore duke përgatitur ushqime për fëmijët e çerdheve në Prishtinë. Drejtuesit e Kuzhinës thanë se ushqimet paketohen në kushte të sigurta dhe transportohen në institucione parashkollore. 

Një çerdhe në Prishtinë tha se çdo ditë pranon nga Kuzhina Qendrore vakte të freskëta ushqimore për 163 fëmijët e çerdhes. 

Një punonjëse e një çerdheje në Prishtinë duke servuar ushqimin për fëmijët.

Drejtuesit e Kuzhinës Qendrore thanë se menyja ushqimore vazhdimisht plotësohet dhe ndryshohet. 

Një fëmijë duke konsumuar ushqim në një çerdhe në Prishtinë. Prindërit me të cilët ka biseduar Radio Evropa e Lirë janë shprehur të kënaqur me vaktet ushqimore që u ofrohen fëmijëve të tyre në institucionet parashkollore. 

Nutricionistët thonë se institucionet parashkollore ofrojnë vakte ushqimore që u mundësojnë fëmijëve zhvillim të shëndoshë fizik.

Kifle të përgatitura për fëmijët e sistemit parashkollor në Prishtinë. 

Nga Këshilli i prindërve të fëmijëve në institucionet parashkollore në Prishtinë thanë se nuk kanë ankesa.

Një nënë që ka dy fëmijë në çerdhe publike në Prishtinë tha se fëmijëve u jepen edhe pjata shtesë me ushqim, nëse ata e kërkojnë. 

Menyja e Kuzhinës Qendrore për çerdhet në Prishtinë.