Kurti – Vuçiq: Njëri pranon planin e ri e tjetri insiston në marrëveshjet e kaluara

Një takim tjetër mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, përfundoi pa ndonjë rezultat konkret në Bruksel. Kurti dhe Vuçiqi patën deklarata të kundërta pas takimeve që ata zhvilluan ndaras me diplomatët evropianë. Derisa Qeveria e Kosovës tha se ishte e gatshme të nënshkruante propozimin e diplomatëve evropianë për Asociacionin e komunave me shumicë serbe në Kosovë, Vuçiqi insistoi në zbatim të marrëveshjeve të kaluara.