Biden fiton në Arizona
Kandidati demokrat për president, Joe Biden ka fituar në shtetin Arizona, transmeton AP.
Në këtë shtet, Biden ka fituar 11 vota elektorale.
Arizona ka mbështetur një kandidat demokrat për president vetëm një herë në 72 vjetët e fundit.
Biden: Nuk ka epilog, derisa secila votë të numërohet
Po rikujtojmë edhe një herë, kësaj here përmes videos, deklaratën e Bidenit para mbështetësve të tij.
Trump pretendon se ka fituar zgjedhjet, synon t'i drejtohet Gjykatës Supreme
Presidenti amerikan, Donald Trump ka thënë se ai dhe ekipi i tij kanë qenë duke u përgatitur për të festuar rezultatin e zgjedhjeve presidenciale.
“Rezultatet sonte kanë qenë fenomenale”, ka thënë ai në Shtëpinë e Bardhë.
Megjithatë ai ka thënë se planifikon t’i drejtohet Gjykatës Supreme, dhe se kërkon të “ndalen votimet”.
“Ne do ta fitojmë këtë. Për aq sa di, ne veçse kemi fituar”, ka deklaruar Trump.
Ndonëse nuk ka ofruar të dhëna, ai ka thënë se zgjedhjet amerikane janë duke u manipuluar.
Ai ka pretenduar po ashtu se republikanët janë duke fituar edhe në shtetin e Pensilvanisë.
Pak më parë është konfirmuar fitorja e presidentit amerikan në Florida dhe Teksas, shtete të rëndësishme për rezultatin përfundimtar të zgjedhjeve.
Rezultatet e fundit tregojnë garë të ngushtë për pozitën e presidentit në Shtetet e Bashkuara.
Kush fiton sipas jush?