Trump fiton në Florida
Presidenti amerikan, Donald Trump ka fituar edhe në një prej shteteve kyçe për rezultatin zgjedhor, Florida.
Ky vend i ka 29 vota elektorale.
Fitorja e Trumpit në këtë shtet nënkupton se rizgjedhja e tij është e mundshme.
Humbja e presidentit aktual në këtë shtet do ta bënte gati të pamundshme për Trumpin që të fitonte 270 votat që nevojiten për t’u kthyer në Shtëpinë e Bardhë.
Trump fiton në Ajoa dhe Montana
Agjencia e lajmeve, AP e ka shpallur presidentin aktual, Donald Trump fitues edhe në Ajoa dhe Montana.
I nominuari i republikanëve ka fituar gjashtë vota elektorale nga Ajoa dhe tri të tjera nga Montana.
Trump triumfon në Ohajo
Presidenti amerikan, Donald Trump ka fituar në shtetin e Ohajos dhe 18 votat elektorale të tij.
Gara në mes të tij dhe Bidenit ishte ashpërsuar në muajt e fundit.
Kujtojmë se Trump ka fituar këtë shtet edhe katër vjet më parë.
Biden fiton Havajin
Demokrati Joe Biden ka fituar shtetin e Havajit.
Ai ka fituar katër vota elektorale atje, transmeton AP.
Ky shtet njihet si i demokratëve edhe hera e fundit kur një kandidat republikan për president ka fituar atje ka qenë 1984.
Po flasim për kandidaturën e ish-presidentit Ronald Reagan.