Turizmi ndërkombëtar përballet me rënien më të madhe nga vitet 1950
Turizmi ndërkombëtar pritet të bie për 70 për qind këtë vit, duke shënuar kështu uljen më të madhe në këtë sektor, prej kur kanë nisur të mblidhen të dhëna në vitet 1950, ka thënë Sekretari i Kombeve të Bashkuara për Turizëm Ndërkombëtar, Zurab Pololikashvili, për gazetën, Handelsblatt.
Ai ka thënë se ky parashikim për sektorin e goditur nga koronavursi bazohet në supozimet që shtetet në gjithë botën, do të mund të hapin gradualisht kufijtë e tyre nga muaji gusht.
Aktualisht numri i personave të infektuar me koronavirus ka tejkaluar shifrën e 5.7 milionë personave, sipas të dhënave të Universitetit, Johns Hopkins.
Numri global i të infektuarve kalon shifrën 5.7 milionë
Numri i personave të infektuar me koronavirus ka tejkaluar shifrën e 5.7 milionë personave, sipas të dhënave të Universitetit, Johns Hopkins.
Shtetet më të prekura janë:
Shtetet e Bashkuara me 29.8 për qind të shifës totale
Brazili, 7.2 për qind
Rusia, 6.6 për qind
Mbretëria e Bashkuar 4.7 për qind
Spanja 4.1 për qind dhe
Italia 4 për qind.
Numri i saktë i të infektuarve besohet se është shumë më i madh, marrë parasysh numrin e personave të paregjistruar ose të atyre pa simptoma.
Rusi: Numri i rasteve me koronavirus vazhdon të rritet
Rusia ka konfirmuar 8,371 raste të reja të të infektuarve me koronavirus në 24 orët e fundit.
Përgjatë kësaj kohë janë regjistruar edhe 124 viktima të reja, të lidhura me këtë virus.
Numri i përgjithshëm o viktimave ka arritur në 4,142 derisa i të infektuarve me sëmundjen Covid-19, që shkakton koronavirusi në 379,051.
Rusia aktualisht gjendet e treta në listën e vendeve të prekura më së keqi nga ky virus, pas Shteteve të Bashkuara dhe Brazilit.
