Si po i llogarisin shtetet rastet e vdekjeve nga COVID-19?
Shtetet e Bashkuara dhe Rusia janë dy vendet që kanë numrin më të lartë të rasteve me koronavirus në botë.
Që nga 20 maji, SHBA-ja është vendi me numrin më të lartë të vdekjeve.
Megjithatë, Rusia renditet në vendin e 19-të për numrin e raportuar të vdekjeve nga koronavirusi. Gjithnjë e më shumë, ekspertët po hulumtojnë të dhënat e saj, pasi dyshojnë se diçka nuk është në rregull me metodologjinë e Moskës.
Artikullin e plotë mund ta lexoni në këtë link.
Shefi për Covid-19 i Sicilisë arrestohet pas dyshimeve për ryshfet
Koordinatori i Sicilisë për koronavirus, Antonio Candela dhe nëntë zyrtarë tjerë shëndetësorë janë arrestuar, pas dyshimeve se kanë marrë ryshfet nga kontratat për pajisje dhe shërbime, ka thënë policia italiane.
Kontratat mund të përfshijnë pajtueshmëritë e arritura nga viti 2016, në vlerë të gati 600 milionë eurove.
Kryetari i Palermos, Leoluca Orlando e ka quajtur këtë incident si “sistem jashtëzakonisht serioz të korrupsionit”.
Dyshohet se vlera totale e ryshfetit të premtuar ka qenë të paktën 1.8 milion euro, kanë raportuar mediat italiane.
Candela tani është në arrest shtëpiak, derisa Fabio Damiani, që udhëheq Autoritetin Shëndetësor të Trapanit, është në mesin e të ndaluarve.
Italia – sidomos rajoni i Lombardisë – ka qenë një prej vendeve të prekura më së keqi në Evropë nga koronavirusi i ri.
Kjo pandemi ka përballur sistemin shëndetësor të Italisë me presion të madh kur ka qenë fjala për staf, pajisje dhe financa.
Të gjitha shkollat në Skoci do të rihapen nga 11 gushti
Të gjitha shkollat në Skoci do të rihapen nga 11 gushti, ka thënë Ministrja e parë e këtij vendi, Nicola Sturgeon.
Stafi do të rikthehet gjatë muajit qershor për të përgatitur klasat për “modelin e kombinuar” të shkuarjes në shkollë dhe mësimit në shtëpi.
Ajo ka thënë se hapat qeveritarë për lehtësim të izolimit janë domosdoshmërisht gradualë – pasi ata duhet të përputhen me “monitorim të virusit”.
Një total prej 14,856 personave në Skoci janë prekur nga sëmundja Covid-19, që shkakton koronavirusi, një rritje prej 105 nga një ditë më parë, ndërkohë që numri total i pacientëve të vdekur ka arritur në 2,221.
Përshëndetjet e së ardhmes?!
Drejtori i Institutit amerikan për Alergji për Sëmundje Infektuese, Anthony Fauci, ka thënë së fundmi: Të jem i sinqertë, nuk besoj se ndonjëherë do të shtrëgojmë duart. Në kohën e koronavirusit, me siguri që dëshironi të bëni përshëndetje në mënyrë të sigurt. Këtu janë disa sugjerime.
Përshëndetjet e së ardhmes?!