Shqiptarë e serbë të zonave të thella, pa informacione rreth vaksinimit

Shqiptarë e serbë që jetojnë në zona të thella të Kosovës kanë pak informacione rreth procesit të vaksinimit kundër sëmundjes COVID-19. Disa prej tyre që i ka vizituar organizata e Kryqit të Kuq të Kosovës muajve të fundit, në qytetin e Kamenicës dhe Ranillugut, refuzojnë të vaksinohen, për shkak të informacioneve të ndryshme që kanë dëgjuar e lexuar në internet. Por, ka edhe të tillë që nuk kanë mundësi të udhëtojnë deri te qendrat e vaksinimit. Projekti për promovimin e vaksinimit "Derë më derë" është duke u realizuar nga Kryqi i Kuq i Kosovës në tërë territorin e Kosovës në partneritet me Programin e UNICEF-it në Kosovë dhe përkrahet nga USAID.