Shefi i diplomacisë së Bashkimit Evropian, Josep Borrell.

Borrell: Kemi marrëveshje mes Kosovës e Serbisë

18 mars 2023

Kryeministri i Kosovës, Albin Kurti, dhe presidenti i Serbisë, Aleksandar Vuçiq, u takuan më 18 mars në Ohër të Maqedonisë së Veriut, në kuadër të procesit të dialogut për normalizimin e marrëdhënieve dhe pas më se 10 orësh bisedime, arritën marrëveshje për zbatimin e propozimit evropian.
Ndërmjetësues të takimit ishin diplomatët evropianë, Josep Borrell dhe Mirosllav Lajçak. Në cilësinë e vëzhguesit ishte i dërguari i SHBA-së për Ballkanin Perëndimor, Gabriel Escobar.
Në Ohër, palët u pajtuan për aneksin e zbatimit të një propozimi të BE-së për normalizimin e marrëdhënieve Kosovë-Serbi.
Kurti dhe Vuçiq e kanë pranuar në parim propozimin e BE-së gjatë një takimi në Bruksel, më 27 shkurt.
Propozimi i BE-së nuk e obligon Serbinë që ta njohë Kosovën, por kërkon nga të dyja vendet që t’i njohin dokumentet e njëra-tjetrës, si: pasaportat, diplomat dhe targat e makinave.
SHBA-ja e ka mbështetur propozimin e BE-së, i cili më herët është njohur edhe si plani franko-gjerman.

16:27 18.3.2023

Rohde për REL-in: Me një rezultat ideal në dialog, mosnjohësit do ta njohin Kosovën

Ambasadori i Gjermanisë në Kosovë, Jorn Rohde, i ka thënë Radios Evropa e Lirë më 15 mars se, nëse bisedimet mes Kosovës dhe Serbisë, që mbahen sot në Ohër, prodhojnë rezultat ideal, atëherë ai pret që pesë shtetet mosnjohëse të BE-së ta njohin pavarësinë e Kosovës.

Në intervistë, Rohde ka folur edhe për propozimin evropian për normalizimin e marrëdhënieve Kosovë-Serbi dhe ka thënë se njohja reciproke është kyçe në rrugën e këtyre vendeve drejt BE-së.

Rohde: Në BE nuk pranojnë vende që nuk e njohin njëra-tjetrën

Bashkëngjite

Rohde: Në BE nuk pranojnë vende që nuk e njohin njëra-tjetrën

No media source currently available

0:00 0:13:51 0:00

16:46 18.3.2023

Kurti dhe Vuçiq përfundojnë takimin

Takimi mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, përfundoi.

Temë diskutimi ishte zbatimi i një propozimi të Bashkimit Evropian për normalizimin e marrëdhënieve.

Detajet nga takimi, së shpejti...

17:08 18.3.2023

Kurti e Vuçiq u kthehen bisedimeve

Pas një pauze të shkurtër, takimi mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, pritet të vazhdojë.

Më herët kishte informacione për përfundimin e takimit - pak minuta para orës 17:00 - por, bëhej fjalë vetëm për një pauzë.

Dy udhëheqësit po takohen me ndërmjetësimin e zyrtarëve të BE-së për të diskutuar zbatimin e një plani evropian për normalizimin e marrëdhënieve.

17:47 18.3.2023

Escobar: Pa njohje reciproke, s’ka rrugë për në Evropë

Emisari amerikan për Ballkanin Perëndimor, Gabriel Escobar, i tha Radios Evropa e Lirë se qëllimi përfundimtar i Uashingtonit nga dialogu mes Kosovës dhe Serbisë është njohja reciproke.

Ndiqeni intervistën e plotë:

Shfaq më shumë