Raportohet për përleshje në Harkiv
Në minutat e fundit ka pasur raportime për luftime në rrugët e Harkivit, qytetit të dytë më të madh në Ukrainë.
Sipas zyrtarëve lokalë, trupat ruse kanë hyrë në qytet një orë më parë.
Në mediat sociale janë parë disa xhirime që shfaqin disa njësite ruse.
Zyrtarët e Harkivit kanë paralajmëruar banorët të mos dalin nëpër rrugë.
Në Kiev dëgjohen shpërthime dhe sirena
Ka raportime për shpërthime edhe në pjesën perëndimore të Kievit.
Shpërthimet janë dëgjuar pas ndaljes së sirenave.
Ukraina: Bota nuk ka besuar se do të rezistonim kështu
Teksa ukrainasit janë zgjuar në ditën e katërt të luftës, ministri ukrainas i Mbrojtjes, Oleksii Reznikov, i ka kërkuar botës të rrisë mbështetjen për Ukrainën.
Ai ka thënë se “72 orët e rezistencës” i kanë dëshmuar botës se mund të zmbrapset agresioni rus.
Ku gjendet Harkivi?
- Harkivi, qyteti i dytë më i madh në Ukrainë, gjendet shumë afër Rusisë.
- Ky qytet me popullsi 1.5 milion banorë, është rreth 30 kilometra larg kufirit dhe 80 kilometra larg qytetit rus, Belgorod.
- Zyrtarët lokalë kanë thënë se forcat ukrainase janë duke luftuar me rusët nëpër rrugët e këtij qyteti.