Doracaku i Millosheviqit në duart e Putinit
Presidenti rus, Vladimir Putin, sikur e ka “ringjallur” ish-liderin serb, Sllobodan Millosheviq.
Mesazhet që ai dërgoi disa ditë para sulmit në Ukrainë, përkujtojnë matricën e Millosheviqit, e njohur nga vitet ‘90 në Ballkanin Perëndimor.
Një material për ngjashmëritë në retorikën e Putinit dhe Millosheviqit, mund ta gjeni këtu.
Për më pak se tri ditë, 100,000 refugjatë ukrainas në Poloni
Rreth 100,000 njerëz kanë kaluar nga Ukraina në Poloni që nga fillimi i pushtimit rus, tha Garda Kufitare e Polonisë.
"Fluksi i refugjatëve po rritet", tha zëdhënësja Anna Michalska.
Sipas saj, më shumë se 20,000 njerëz kanë mbërritur që nga ora 06:00, të shtunën.
Rusia ka nisur pushtimin e Ukrainës më 24 shkurt.
Qeveria e Polonisë është zotuar se do të pranojë këdo që ik nga lufta në Ukrainë dhe se do t'u ofrojë strehim të përkohshëm atyre që nuk kanë ku të shkojnë.
Dita e tretë e luftës në Ukrainë
Forcat ruse kanë avancuar drejt kryeqytetit ukrainas, Kiev, teksa lufta ka hyrë në ditën e tretë.
Në këtë fotogaleri mund të gjeni pamjet e fundit të kapura nga foto-reporterët botërorë:
Kievi cak i granatimeve ruse
Kievi vendos shtetrrethim nga ora 17:00
Kryetari i bashkisë së Kievit, Vitali Klitschko, shpalli një shtetrrethim të ri për kryeqytetin ukrainas: nga ora 17:00 deri në 08:00, sipas kohës lokale.
Masa, e cila hyn në fuqi nga sot (26 shkurt), zëvendëson shtetrrethimin e mëparshëm nga ora 22:00 deri në orën 07:00.
“Të gjithë civilët në rrugë gjatë shtetrrethimit do të konsiderohen anëtarë të grupeve të sabotimit dhe zbulimit të armikut”, shkroi Klitschko në Twitter.