Assadi lavdëron pushtimin rus në Ukrainë
Në një bisedë telefonike me presidentin rus, Vladimir Putin të premten, presidenti sirian, Bashar al-Assad ka lavdëruar pushtimin rus në Ukrainë, duke e cilësuar “korrigjim të historisë”, sipas një deklarate të lëshuar nga Presidenca siriane.
Assad ka dënuar “politikat destabilizuese të Shteteve të Bashkuara dhe NATO-s, të cilat kanë çuar në degradim serioz të situatës në Lindje të Mesme”, është thënë në deklaratën e publikuar në faqen zyrtare të Kremlinit.
Putin ka mbështetur forcat qeveritare pro-Assadit gjatë luftës civile në Siri.
Si do ta paguajmë luftën e Rusisë?
Deri më 24 shkurt, shumëkush në Ukrainë, Rusi, por edhe Perëndim, mund të mos ketë besuar se Vladimir Putin do të pushtojë fqinjin e tij. Lideri rus ka dëshmuar forcën. Sulme gjithandej, tym e zjarr nga bombardimet, banorë me valixhe që ikin... Si do ta paguajë bota luftën ruse në Ukrainë?
Aktivistë të organizatës joqeveritare Nisma Rinore për të Drejtat e Njeriut në Kosovë dhe disa qytetarë të tjerë u mblodhën të premten pranë Zyrës Ndërlidhëse Ruse në Prishtinë, për të protestuar kundër pushtimit rus të Ukrainës.
Gjermania: BE do të pranojë ata që i ikin dhunës në Ukrainë
Bashkimi Evropian do të pranojë të gjithë njerëzit që i ikin dhunës së shkaktuar nga pushtimi rus në Ukrainë, ka thënë ministrja e Jashtme e Gjermanisë, Annalena Baerbock.
“Neve na duhet të bëjmë gjithçka për të pranuar pa vonesa njerëzit që janë duke iu ikur bombave, tankeve”, u ka thënë ajo gazetarëve teksa ka arritur në Bruksel për një takim me homologët e saj evropianë.
“Ne kemi provuar gjithçka për të shmangur këtë ditë (të pushtimit) mirëpo presidenti rus ka zgjedhur luftën në vend të jetëve të njerëzve. Për këtë arsye ne do të marrim të gjithë njerëzit që janë duke ikur tani”, ka thënë Baerbock, duke shtuar se ajo ka nisur të koordinohet për shpërndarjen e refugjatëve ukrainas me shtetet si Polonia dhe Kanadaja.
