Zelensky: Forcat ruse po kryejnë gjenocid në Ukrainë
Presidenti i Ukrainës, Volodymyr Zelensky, akuzoi Rusinë për kryerjen e gjenocidit dhe përpjekjen për të eliminuar të gjitha kombet e Ukrainës, një ditë pas zbulimit të varreve masive dhe ekzekutimit të civilëve pranë Kievit.
“Ky është gjenocid. Eliminimi i të gjithë kombit dhe popullit”, tha Zelensky për CBS.
“Ne jemi qytetarë të Ukrainës. Në Ukrainën kemi më shumë se 100 kombësi. Bëhet fjalë për shkatërrimin dhe shfarosjen e të gjitha këtyre kombësive”, tha Zelensky.
Tre ditë pas fillimit të pushtimit më 24 shkurt, Ukraina paraqiti një ankesë në Gjykatën Ndërkombëtare të Drejtësisë në Hagë duke akuzuar Rusinë për “planifikim të akteve të gjenocidit”.
Lajmin e plotë mund ta lexoni këtu.
Blinkeni e quan “goditje të rëndë” vrasjen e civilëve në Buça
Sekretari amerikan i Shtetit, Antony Blinken tha të dielën se pamja e trupave të civilëve të shpërndarë nëpër rrugë në Buça në Ukrainë është “goditje të rëndë”.
“Ju nuk mund të mos i shihni këto imazhe si një goditje të rëndë," tha Blinken për CNN një ditë pasi u transmetuanpamjet e tmerrshme të qytetit të rimarrë nga forcat ukrainase.
“Ky është realiteti i asaj që po ndodh çdo ditë për sa kohë që brutaliteti i Rusisë kundër Ukrainës vazhdon”, tha Blinken.
Më herët, ministri i jashtëm i Ukrainës akuzoi forcat ruse për vrasjen e qindra njerëzve në këtë qytet.
Kiev: 11 politikanë ukrainas po mbahen peng nga rusët
Më shumë se pesë javë pas fillimit të luftës në Ukrainë, gjithsej 11 kryebashkiakë ukrainas po mbahen peng nga forcat ruse, thonë zyrtarët në Kiev.
Politikanët lokalë nga rajonet e Kievit, Harkivit, Mikolajivit dhe Donjeckut janë të zhdukur, sipas zëvendëskryeministres ukrainase, Iryna Vereshchuk.
Negociatat për shkëmbimin e të burgosurve janë duke u zhvilluar, tha ajo.
Deklarata vjen pasi Vereshchuk raportoi të premten se 86 ushtarakë dhe gra ukrainase ishin liruar nga rusët.
Ukrainë: Rusia është tërhequr nga veriu
Ushtria ukrainase thotë se trupat ruse kanë përfunduar tërheqjen e tyre nga veriu i vendit.
Shtabi i Përgjithshëm i ushtrisë tha në deklaratën e së dielës se njësitë ruse janë tërhequr nga zonat në veri të vendit drejt Bjellorusisë fqinje.
Ushtria ukrainase tha se forcat e saj ajrore kanë marrë kontrollin e plotë të qytetit të Pripyat jashtë termocentralit bërthamor të Çernobilit dhe pjesën afër kufirit me Bjellorusinë.