Heineken tërhiqet nga Rusia
Birraria holandeze, Heineken, tha se po tërhiqet nga Rusia. Kjo kompani është e fundit në listën e firmave perëndimore që po vendosin të largohen nga Rusia për shkak të pushtimit të Ukrainës.
“Ne kemi ardhur në përfundim se prania e biznesit tonë në Rusi më nuk është i qëndrueshëm e as i mir në mjedisin aktual”, u tha në deklaratën e Heineken.
Kompania tha se do të ndalojë shitjen dhe prodhimin e birrës së saj në Rusi, por do të pezullojë edhe investimet dhe eksportet në këtë shtet.
Ukraina: Rusët po rigrupohen, por “nuk po mund të përparojnë”
Forcat ruse po rigrupohen, por nuk po mund të përparojnë askund në Ukrainë, tha zëvendësministrja ukrainase e Mbrojtjes.
Hanna Malyar tha se forcat ruse po tentojnë të forcojnë pozicionet që veçse i kanë nën kontroll, por nuk po janë në gjendje të thyejnë mbrojtjen e Kievit. Ajo tha se forcat ruse “nuk kanë shpresë që ta marrin kontrollin e kryeqytetit” ukrainas.
“Deri më sot, armiku po rigrupon forcat e tij, por ata nuk po mund të përparojnë askund në Ukrainë”, tha ajo.
Një numër i njësive ushtarake ruse janë kthyer në Bjellorusi, përmes Çernobilit, për t’u rigrupuar dhe pas humbjeve të mëdha, pretendoi Shtabi i Përgjithshëm i Forcave të Armatosura të Ukrainës.
Përmes një postimi në Facebook, Shtabi tha se njësitë mund të rikthehen në përpjekje për të rrethuar kryeqytetin ukrainas, Kiev.
Kremlini: Bisedimet Rusi-Ukrainë mund të nisin më 29 mars
Kremlini tha se bisedimet e paqes midis Rusisë dhe Ukrainës mund të zhvillohen në Turqi të martën, më 29 mars, dhe se sipas Moskës, është e rëndësishme që të ketë takime sy më sy, pasi siç tha ka pasur mungesë të përparimit në bisedime deri më tani.
“Përderisa ne nuk mund dhe nuk do të flasim për përparim në bisedime, fakti qëndron se takimet sy më sy janë të rëndësishme”, tha zëdhënësi i Kremlinit, Dmitry Peskov.
Ndërkaq, ministri i Jashtëm rus, Sergei Lavrov, tha se tash për tash, një takim midis presidentit rus, Vladimir Putin, dhe atij të Ukrainës, Volodymyr Zelensky, do të ishte "kundërproduktiv".
Lajmin e plotë mund ta lexoni KËTU
Rusët pyeten nëse e duan Putinin
Dhjetëra-mijëra rusë janë larguar nga vendi që kur Moska pushtoi Ukrainën një muaj më parë. Shumë nga ata që e kanë bërë këtë, kanë raportuar marrje të pakëndshme në pyetje - dhe të paligjshme - teksa kalonin përmes kontrollit të pasaportave në Rusi.
“Kur u largova nga Rusia, nuk isha i sigurt se po bëja gjënë e duhur”, tha 28-vjeçari Artyom Saprykin, një specialist i teknologjisë së informacionit (IT) nga Ufa, kryeqytet i rajonit të Bashkortostanit të Rusisë. "Tani, jam i sigurt", shtoi ai.
Tekstin e plotë mund ta lexoni më poshtë:
