Korrigjim i “ri” kufijsh, ëndërr, dhe me raste edhe tallje, është konsideruar ideja e presidentit të Kosovës, Hashim Thaçi për bashkim të Kosovës me Shqipërinë. Ai e ka shpalosur këtë qëndrim dy herë, në më pak se një javë, duke bërë thirrje që “dy parlamentet, ai i Kosovës dhe Shqipërisë, të nxjerrin deklaratat e nevojshme, të vullnetit të popullit në të dyja shtetet që të jetojnë në një shtet të përbashkët, pa kufij”. Mirëpo kjo nuk është hera e parë që Thaçi flet për kufijtë.