Qetësohet situata në Mitrovicë të Veriut

29 maj 2023

Radio Evropa e Lirë

Rreth orës 13:00 të së martës, në Mitrovicë të Veriut janë dëgjuar sirena alarmi.
Ministri i Brendshëm i Kosovës, Xhelal Sveçla, ka thënë se tre pjesëtarë të Policisë së Kosovës janë të lënduar gjatë një aksioni në veri.
Sipas tij, Policia e Kosovës në këtë aksion e ka arrestuar Milun Milenkoviq- Llune, “një nga udhëheqësit e formacionit kriminal 'Mbrojtja Civile’”.
Sipas Sveçlës, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan para dy javësh.
Serbët lokalë kanë organizuar në tri komunat në veri të Kosovës, Zveçan, Zubin Potok dhe Leposaviq.
Ata kanë protestuar rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.

07:41 31.5.2023

Protestuesit mblidhen në Zveçan

Korrespondentët e Radios Evropa e Lirë në Zveçan raportojnë për mbledhjen e dhjetëra protestuesve para objektit komunal, ku paqeruajtësit e KFOR-it ka ngritur tela gjemborë.

08:11 31.5.2023

Pamjet e fundit nga veriu

08:20 31.5.2023

Protestuesit mblidhen edhe në Zubin Potok

Gazetari i Radios Evropa e Lirë, Arton Konushevci, i cili ndodhet në Zubin Potok, raporton se protestuesit serbë kanë nisur të mblidhen para ndërtesës së komunës që nga ora 7 e mëngjesit.

Sipas tij, aty shihen edhe pjesëtarë të Policisë së Kosovës, edhe ushtarë të misionit të NATO-s, KFOR.

08:25 31.5.2023

Tela gjemborë para objektit komunal në Zveçan

Shfaq më shumë