Rrëfimi i Benjaminit, familjar i të vrarëve në masakrën e Reçakut

Benjaminit nuk i ishte plotësuar dëshira të kthehet në shtëpinë e tij në Reçak më 14 janar të vitit 1999. Ai moment e ndryshoi rrjedhën e jetës së 9-vjeçarit, të cilit të nesërmen iu vranë babai dhe motra, si dhe iu plagos vëllai i tij binjak në masakrën e Reçakut. 24 vjet më vonë, Benjamin Mehmeti rrëfen për kujtimet dhe dhimbjet e asaj dite, kur ai ndodhej 5 kilometra larg vendit ku ndodhi masakra.