Protestë në Prishtinë kundër abuzimit seksual ndaj të miturve

Me moton “Përdhunuesit në burg”, qindra njerëz kanë protestuar para stacionit qendror të Policisë në Prishtinë, në kërkim të përgjegjësisë ligjore dhe drejtësisë, lidhur me dyshimet për përdhunimin sistematik të një të miture në Drenas, nga mësimdhënësi i saj e më pas edhe hetuesi policor – i cili e kishte marrë përsipër të hetonte rastin e përdhunimit të saj nga mësimdhënësi.