Clinton ende s’është e gatshme të prononcohet
John Podesta, menaxheri i fushatës së Hillary Clinton, ju tha më herët mbështetësve të Clintonit që të shkojnë në shtëpi dhe të “të pushojnë” dhe se ajo nuk do të mund të flas me përkrahësit ende.
Putin uron Trumpin
Presidenti i Rusisë, Vladimir Putin, i ka uruar fitoren Donald Trumpit në zgjedhjet për presidentin e 45-të të SHBA-së, njofton Reuters, duke cituar Kremlinin.
“Putini ka shfaqur shpresën për një punë të përbashkët në rivendosjen e marrëdhënieve SHBA-Rusi nga gjendja e krizës, dhe gjithashtu për të adresuar çështjet ndërkombëtare dhe në kërkim të përgjigjeve efektive për sfidat që kanë të bëjnë me sigurinë globale” , tha Kremlini në një deklaratë.
Edhe kryeministri turk uron Trumpin
Kryeministri turk, Binali Yildirim, i ka uruar fitoren Donald Trumpit në zgjedhjet për president të SHBA-së. Në urimin e tij thuhet se kjo është një mundësi për forcimin e marrëdhënieve dypalëshe.
Yildirim, në një fjalim në Ankara, të cituar nga Reuters, tha se “një faqe e re” do të mund të hapet ne marrëdhëniet SHBA-Turqi nëse Washingtoni do të ekstradonte klerikun turk që jeton në SHBA, të cilin Turqia e akuzon për organizimin e puçit të dështuar në korrik.
Mogherini: Lidhjet BE dhe SHBA më të thella se ndryshimet në politikë
Përfaqësuesja e Lartë e BE-së për politikë të Jashtme dhe Siguri e BE-së, Federika Mogherini ka thënë se “BE-ja do të vazhdojë të bashkëpunojë me SHBA-në”.
“Lidhjet ndërmjet BE-së dhe SHBA-së janë më të thella se sa çdo ndryshim në politikë”, ka thënë Mogherini