Clinton “nuk ka mbaruar ende”
Udhëheqësi i fushatës së kandidates demokrate për presidente të SHBA-së, Hillary Clinton, tha se numërimi i votave nga disa shtete vazhdon ende dhe se Clinton “nuk ka mbaruar ende”.
John Podesta i luti mbështetësit që të shkojnë nëpër shtëpi, pasi “nesër do të ketë më shumë për t’iu thënë”.
Rivali republikan i Clintonit, Donald Trump, është në epërsi me votat e Kolegjit Zgjedhor.
Vazhdon numërimi edhe në disa shtete
Votimet janë mbyllur në bregun perëndimor të Shteteve të Bashkuara. Kandidati republikan për president, Donald Trump, ka dalë në epërsi ndaj rivales demokrate, Hillary Clinton, me fitoret në Ohajo, Karolinën e Veriut dhe Florida.
Numërimi vazhdon në Pensilvani, Uiskonsin dhe Miçigen.
Trump në "avantazh vendimtar"
Kandidati republikan për president të Shteteve të Bashkuara, Donald Trump, ka dalë në "avantazh vendimtar" kundrejt rivales demokrate, Hillary Clinton, raportojnë mediat amerikane.
Trump fiton tri shtete kyçe
Ngushtohet tutje gara midis Donald Trumpit dhe Hillary Clintonit për Shtëpinë e Bardhë. Trump ka shënuar fitore në shtetet kyçe: Ohajo, Karolina e Veriut dhe Florida.