Ibrahim Berisha është kameraman dhe montazhier i Radios Evropa e Lirë në Prishtinë.
Të paktën një për qind e territorit të Kosovës llogaritet të jetë e degraduar nga industria e nxjerrjes së gurëve. Kjo industri shumë fitimprurëse, sipas raporteve zyrtare i ka kushtuar mjedisit, sidomos pasi shumica e guroreve nuk janë rehabilituar pas përfundimit të aktiviteteve.
Qindra qytetarë u mblodhën për të ndjekur garën me kuaj në fshatin Mejdan të rajonit të Opojës, në Dragash në fillim të majit dhe në të morën pjesë kalorës nga Kosova dhe rajoni. Kësaj radhe gara u mbajt për nder të kalorësit të ndjerë Muhamer Mustafa.
Njëzetepesë vjet pas masakrës së Poklekut, shtëpia e familjes Muqolli ku u vranë dhe u dogjën 53 civilë, ka marrë pamjen e një muzeu.
Katrina Fotovat thotë se mbështetja për zyrtarët e zbatimit të ligjit dhe mbështetja e trajnimet për prokurorët dhe gjyqtarët se si ta trajtojnë dhunën me bazë gjinore, mund ta ndihmojnë Kosovën në luftimin e kësaj dukurie.
Lokalet, tavolinat, e kuponët fiskalë të bizneseve të lojërave të fatit, që dikur funksionin në Kosovë si të ligjshme, tani janë shndërruar në një skemë të fshehtë, që përfshin telefona të mençur, pika kontakti dhe qasje në internet.
Në Kosovën e pasluftës u ngrenë shtatore dhe buste të shumta të personaliteteve të ndryshme. Shpeshherë, ato nxitën diskutime se a i ngjajnë apo jo personit për nder të të cilit ishin ngritur.
Vëmendja në ishullin e Sazanit u rikthye para pak javësh kur dhëndri i ish-presidentit amerikan, Donald Trump, Jared Kushner, shprehu interesim për ndërtimin e një kompleksi turistik.
Procesi i regjistrimit të popullsisë në Kosovë i vitit 2011, nuk ishte zhvilluar në katër komunat me shumicë serbe në veri dhe ishte bojkotuar pjesërisht edhe në komunat e tjera me shumicë serbe në Kosovë.
Një grup i aktivisteve po kërkon përjashtimin e një profesori të Universitetit të Prishtinës, i cili është denoncuar nga 27 studente për ngacmime seksuale. Aktivistet thonë se një profesor ngacmues “nuk e ka vendin në universitet”.
Një ishull i fortifikuar i epokës komuniste në brigjet e Shqipërisë mund të bëhet tani një vendpushim luksoz, sipas planeve të Jared Kushnerit, dhëndrit të ish-presidentit të SHBA-së, Donald Trump. Ekipi i Radios Evropa e Lirë eksploroi ishullin e braktisur të Sazanit.
I dërguari i Uashingtonit për Ballkanin Perëndimor, Gabriel Escobar, i tha Radios Evropa e Lirë se shteti i tij po heton për lidhjet e shtetit serb me sulmin në Banjskë të Zveçanit. Në këtë intervistë, emisari amerikan tha se kryeministri i Kosovës, Albin Kurti, ka refuzuar propozimet për dinarin.
I dërguari i Shteteve të Bashkuara për Ballkanin Perëndimor, Gabriel Escobar, tha se ka zhvilluar një takim të mirë me kryeministrin e Kosovës, Albin Kurti. Duke folur për çështjen e dinarit serb, emisari amerikan kërkoi që kjo çështje të adresohet menjëherë.
I dërguari i Shteteve të Bashkuara për Ballkanin Perëndimor, Gabriel Escobar, tha se SHBA-ja nuk po i kërkon vetëm Kosovës të ndërmarrë vendime të vështira pasi e njëjta gjë, sipas tij, i kërkohet edhe Serbisë.
Radio Evropa e Lirë siguroi lejen për të hyrë në Klinikën e Psikiatrisë në QKUK, ku pa se në secilin repart ka inventar të vjetër e të demoluar.
Në fshatin e vogël të Letnicës në Viti, Jozefina Shopiq, pjesëtare e komunitetit kroat në Kosovë, po e mban të gjallë fshatin. Këtu ajo udhëheq një restorant, në të cilin përveç vizitorëve, ushqehen edhe banorët e moshuar të fshatit.
Në Kuçovë të Shqipërisë është përuruar baza e parë ajrore e NATO-s në këtë shtet. Në hapje të ceremonisë, në pistat tashmë të rindërtuara të kësaj baze ajrore, ateruan gjashtë aeroplanë luftarakë EuroFighter F-2000 dhe disa helikopterë.
Samiti për Ukrainën i bashkoi liderët e gjashtë shteteve të Ballkanit Perëndimor dhe atë të Moldavisë në kryeqytetin shqiptar, Tiranë, ku u pritën nga presidenti i Ukrainës, Volodymyr Zelensky, dhe kryeministri i Shqipërisë, Edi Rama, para Pallatit të Kongreseve.
Presidenti i Ukrainës, Volodymyr Zelensky, dhe liderë të shteteve të Evropës Juglindore do ta kenë për destinacion Shqipërinë më 28 shkurt. Ata i grumbullon në Kongresin e Pallateve në Tiranë, Samiti për Ukrainën, ku do të flitet për çështje të sigurisë dhe për mbështetjen për Ukrainën.
Aktualisht, Kosova nuk ka stadium për ndeshje ndërkombëtare. Stadiumi “Adem “Jashari” në Mitrovicë dhe ai “Fadil Vokrri” në Prishtinë, me gjithë investimet milionëshe, tash për tash janë jashtë funksionit.
Ambasadori amerikan në Prishtinë, Jeff Hovenier, ka ripërsëritur qëndrimin se janë luhatur raportet ndërmjet SHBA-së dhe Kosovës pas vendimit të Bankës Qendrore për dinarin serb.
Shfaq më shumë
