Rusia njofton për reduktimin e gazit, Gjermania e quan “përpjekje për të rritur çmimin”

Gjiganti i gazit rus, Gazprom tha se do të reduktojë më tej furnizimet ditore të gazit përmes gazsjellësit Nord Stream 1, lëvizje kjo që ministri gjerman i ekonomisë e kritikoi si një pretekst për të mbjellë pasiguri dhe për të rritur çmimet.

Gazprom tha në një deklaratë më 15 qershor se një ulje e mëtejshme prej 33 përqind do të nisë në orën 1:30 të mëngjesit me orën e Moskës, pra më 16 qershor.

Kjo është dita e dytë radhazi që Gazprom, kompani në pronësi shtetërore tha se do të reduktonte gazin natyror të shpërndarë përmes tubacionit.

Në njoftimin e 14 qershorit thuhet se Gazprom do të shkurtonte dërgesat në 100 milionë metra kub në stacionin e kompresorit Portovaya "për shkak të kthimit të parakohshëm të njësive të pompimit të gazit nga riparimi nga Siemens".

SHIKONI EDHE:

Rusia sanksionon degët evropiane të Gazprom në vendet që kanë vënë sanksione ndaj MoskësKush kujt do t’ia ndalë i pari gazin?Çfarë qëndron pas vendimit rus për t'i ndërprerë furnizimet me gaz?

Ministri gjerman i Ekonomisë, Robert Habeck, e quajti këtë veprim një “vendim politik dhe jo një zgjidhje teknikisht të justifikueshme”.

Habeck iu përgjigj njoftimit të Gazprom për një ulje të mëtejshme më 15 qershor duke thënë se justifikimi i tij ishte një përpjekje për të rritur çmimin.

"Justifikimi i palës ruse është thjesht një pretekst. Është padyshim strategjia e tyre për të krijuar shqetësim dhe për të rritur çmimet," tha Habeck në Berlin.

Aktualisht, mungesa në furnizimet me gaz mund të plotësohet nëpërmjet blerjes së gazit në treg, "megjithëse me çmime të larta", tha Habeck, duke shtuar se "siguria e furnizimit është e garantuar".

SHIKONI EDHE:

Ministri gjerman: Çmimet e larta të energjisë do të mbetenGjermania thotë se ka zvogëluar varësinë nga energjia ruse

Rregullatori i rrjetit të energjisë në Gjermani tha se aktualisht po vlerëson situatën dhe ndikimin e mundshëm të një reduktimi të mëtejshëm të furnizimeve.
"Siguria e furnizimit aktualisht është ende e garantuar," tha një zëdhënës i rregullatorit.

Gazprom gjithashtu shkurtoi eksportet e gazit në Itali, tha më 15 qershor firma italiane e energjisë Eni, duke shtuar se nuk ishte dhënë asnjë shpjegim për reduktimin.

“Eni konfirmon se Gazprom ka kumtuar një reduktim të kufizuar në furnizimet me gaz për sot, në një vlerë prej rreth 15 për qind”, tha një zëdhënës. Eni po monitoron situatën, shtoi ai.

• Gazprom ndërpren furnizimin me gaz për Poloninë dhe Bullgarinë

Ministri i Tranzicionit Ekologjik, Roberto Cingolani tha se reduktimi e gazit nuk ka krijuar ndonjë çështje kritike deri tash.