Pse dhjetëra vende me shumicë myslimane s'e njohin ende Kosovën?

Me popullsi shumicë myslimane, Kosova do të mund të priste njohje nga më shumë vende të të njëjtit besim. Megjithatë, ky nuk është realiteti i saj as pas gati 17 vjetësh shtet. Analistët argumentojnë se përqendrimi i madh te Perëndimi, e ka lënë Kosovën pa aleanca të rëndësishme në botën myslimane, nga të cilat do të mund të kishte përfitime të mëdha si ekonomike, ashtu edhe politike.