Protestë në Prishtinë për sigurinë e vajzave në shkolla

Dhjetëra përfaqësues të shoqërisë civile kanë protestuar para Ministrisë së Arsimit duke kërkuar siguri më të madhe për vajzat në shkolla. Protestuesit kërkuan futjen e lëndës së Edukatës seksuale në planprogramin arsimor, ambiente të sigurta për nxënësit, dhe angazhimin e punëtorëve socialë dhe të psikologëve në shkolla. Protesta e Kolektivit për Mendim dhe Veprim Feminist u mbajt pas rastit të sulmit seksual ndaj një vajze të mitur në Prishtinë që raportohet se ka ndodhur muajin e kaluar.