Grupi për Studime Juridike dhe Politike ka dhënë një vlerësim tjetër nga pritjet e Qeverisë së Kosovës në lidhje me nënshkrimin dhe ratifikimin e Marrëveshjes së Stabilizim- Asociimit.
Përderisa Qeveria edhe zyrtarisht është deklaruar se kjo Marrëveshje do të nënshkruhet gjatë pranverës së këtij viti, Grupi për Studime Juridike e Politike vlerëson se nënshkrimi mund të ndodhë gjatë pjesës së dytë të vitit dhe ratifikimi, pas një viti.
Duke prezantuar të gjeturat e një studimi rreth MSA-së, Dren Doli nga ky Grup ka thënë se marrëveshja që i është ofruar Kosovës, është ndryshe me ato që u janë ofruar vendeve të Ballkanit Perëndimor.
“MSA-ja që po i ofrohet Kosovës do të jetë marrëveshja e parë formale që Kosova do të nënshkruajë me Bashkimin Evropian”, dhe në këtë kuptim, ka thënë Doli, ajo ka një rëndësi të veçantë në formalizimin e marrëdhënieve ndërmjet Kosovës dhe Bashkimit Evropian.
Mirëpo, ai ka shprehur besimin e tij se ratifikimi nuk do të ndodhë gjatë kësaj pranvere.
“Së fundi kemi dëgjuar nga Qeveria dhe zyrtarët e saj që MSA-ja me Kosovën do të nënshkruhet dhe do të përfundojë në pranverë të këtij viti. Një gjë e tillë nuk është e vërtetë. Kosova, në pranverë të këtij viti do të iniciojë MSA-në. Nënshkrimi do të ndodhë në pjesën e dytë të vitit dhe ratifikimi i MSA-së me Kosovën, për shkak të procedurave të brendshme të BE-së dhe sipas planit të Komisionit Evropian, do të ndodhë vetëm në pranverën e vitit të ardhshëm apo në qershorin e vitit 2015”, ka theksuar Doli.
Ndërkohë, Erza Pula, e cila prezantoi studimin e këtij Grupi në lidhje me MSA-në, ka vlerësuar se Marrëveshja me BE-në, do t’i sjell Kosovës përfitime në periudhën afatgjate.
Sipas saj, nëse Qeveria e Kosovës krijon politika të mira ekonomike, Marrëveshja e Stabilizim-Asociimit, në periudha më të gjata kohore, mund të ndihmojë të arrihen disa përparime në zhvillimin ekonomik dhe zbutjen e papunësisë.
“Marrëveshja, si e tillë, do ta bëjë hapjen e tregut në periudhën afatgjate. Kjo do të thotë një mundësi sa më e madhe për prodhuesit kosovarë që të lansojnë dhe thjesht të eksportojnë sa më shumë nga produktet e tyre”, ka thënë Pula.
Marrëveshja e Stabilizim Asocimit paraqet vetëm hapin e parë që shtetet kalojnë në rrugën e tyre të gjatë drejt integrimit në Bashkimin Evropian.
Ajo i është ofruar Kosovës nga Brukseli pas përmbylljes së disa reformave, të cilësuara afatshkurta të përcaktuara në studimin e fizibilitetit. Kurse, vendimi politik i vendeve anëtare të BE-së për lansimin e MSA-së për Kosovën ishte marrë pasi që pala kosovare ishte vlerësuar se kishte treguar një rol konstruktiv në dialogun me Serbinë.
Përderisa Qeveria edhe zyrtarisht është deklaruar se kjo Marrëveshje do të nënshkruhet gjatë pranverës së këtij viti, Grupi për Studime Juridike e Politike vlerëson se nënshkrimi mund të ndodhë gjatë pjesës së dytë të vitit dhe ratifikimi, pas një viti.
Duke prezantuar të gjeturat e një studimi rreth MSA-së, Dren Doli nga ky Grup ka thënë se marrëveshja që i është ofruar Kosovës, është ndryshe me ato që u janë ofruar vendeve të Ballkanit Perëndimor.
“MSA-ja që po i ofrohet Kosovës do të jetë marrëveshja e parë formale që Kosova do të nënshkruajë me Bashkimin Evropian”, dhe në këtë kuptim, ka thënë Doli, ajo ka një rëndësi të veçantë në formalizimin e marrëdhënieve ndërmjet Kosovës dhe Bashkimit Evropian.
Mirëpo, ai ka shprehur besimin e tij se ratifikimi nuk do të ndodhë gjatë kësaj pranvere.
“Së fundi kemi dëgjuar nga Qeveria dhe zyrtarët e saj që MSA-ja me Kosovën do të nënshkruhet dhe do të përfundojë në pranverë të këtij viti. Një gjë e tillë nuk është e vërtetë. Kosova, në pranverë të këtij viti do të iniciojë MSA-në. Nënshkrimi do të ndodhë në pjesën e dytë të vitit dhe ratifikimi i MSA-së me Kosovën, për shkak të procedurave të brendshme të BE-së dhe sipas planit të Komisionit Evropian, do të ndodhë vetëm në pranverën e vitit të ardhshëm apo në qershorin e vitit 2015”, ka theksuar Doli.
Ndërkohë, Erza Pula, e cila prezantoi studimin e këtij Grupi në lidhje me MSA-në, ka vlerësuar se Marrëveshja me BE-në, do t’i sjell Kosovës përfitime në periudhën afatgjate.
Sipas saj, nëse Qeveria e Kosovës krijon politika të mira ekonomike, Marrëveshja e Stabilizim-Asociimit, në periudha më të gjata kohore, mund të ndihmojë të arrihen disa përparime në zhvillimin ekonomik dhe zbutjen e papunësisë.
“Marrëveshja, si e tillë, do ta bëjë hapjen e tregut në periudhën afatgjate. Kjo do të thotë një mundësi sa më e madhe për prodhuesit kosovarë që të lansojnë dhe thjesht të eksportojnë sa më shumë nga produktet e tyre”, ka thënë Pula.
Marrëveshja e Stabilizim Asocimit paraqet vetëm hapin e parë që shtetet kalojnë në rrugën e tyre të gjatë drejt integrimit në Bashkimin Evropian.
Ajo i është ofruar Kosovës nga Brukseli pas përmbylljes së disa reformave, të cilësuara afatshkurta të përcaktuara në studimin e fizibilitetit. Kurse, vendimi politik i vendeve anëtare të BE-së për lansimin e MSA-së për Kosovën ishte marrë pasi që pala kosovare ishte vlerësuar se kishte treguar një rol konstruktiv në dialogun me Serbinë.