Njerëz me maska në afërsi të barrikadës në Mitrovicën e Veriut. 29 dhjetor 2022.

Aktuale

Kurti për largimin e barrikadave: Vetë i vunë, vetë i hoqën

9 dhjetor 2022

Largimi i barrikadave në veri të Kosovës nisi pasditen e 29 dhjetorit.
Disa serbë lokalë atje, qysh më 10 dhjetor, kanë ngritur barrikada në rrugët që çojnë në dy pikat kufitare me Serbinë, Jarinjë dhe Bërnjak.
Kjo ka qenë përgjigjja e tyre ndaj arrestimit të ish-policit serb, Dejan Pantiq, nga autoritetet e rendit në Kosovë. Atij fillimisht i është shqiptuar masa e paraburgimit prej një muaji, ndërsa më vonë është dërguar në arrest shtëpiak.
Pantiq dyshohet se organizoi “sulm terrorist” në zyrat e Komisionit Qendror të Zgjedhjeve në veri të Kosovës.
Largimi i barrikadave nisi pas një takimi që presidenti i Serbisë zhvilloi me disa përfaqësues të serbëve në Kosovë dhe tha se ka marrë garanci nga komuniteti ndërkombëtar se kërkesat e tyre do të plotësohen.

11:36 29.12.2022

Pak persona shihen afër barrikadës në Rudarë

Numri i qytetarëve që po qëndrojnë në barrikadën e vendosur në Rudarë të Zveçanit është më i vogël sesa ditëve tjera.

Këto fotografi i sjell ekipi i Radios Evropa e Lirë që po qëndron në vendngjarje.

Pamje nga vendi ku rrinin personat që vendosën barrikadat.

Rruga kryesore e cila mbetet e bllokuar në Rudarë.

12:42 29.12.2022

Momenti i largimit të bllokadave në Merdare

Serbët zhbllokojnë rrugën drejt Merdares

Bashkëngjite

Serbët zhbllokojnë rrugën drejt Merdares

No media source currently available

0:00 0:01:25 0:00

13:57 29.12.2022

Pak lëvizje afër barrikadës në Lagjen e Boshnjakëve

Për të enjten është paralajmëruar heqja e barrikadave në pjesën veriore. Por aktualisht nuk ka ndonjë lëvizje të shtuar afër barrikadave. KFOR-i shihet në afërsi të barrikadës në Lagjen e Boshnjakëve.

Forcat e KFOR-it në afërsi të barrikadës në Lagjën e Boshnjakëve në Mitrovicë.

Një qytetar që largohet nga pjesa ku është e vendosur barrikada në Lagjën e Boshnjakëve në Mitrovicë.

KFOR-i në afërsi të barrikadës në Lagjen e Boshnjakëve.

15:20 29.12.2022

Nis largimi i barrikadave në veri

Pasditen e së enjtes ka nisur largimi i barrikadave në fshatin Rudarë, i cili gjindet në komunën e Zveçanit, raportojnë gazetarët e Radios Evropa e Lirë nga terreni.

Rrugët kryesore që çojnë drejt Jarinjës dhe Bërnjakut – pikat kufitare që lidhin Kosovën me Serbinë – ishin bllokuar që nga 10 dhjetori.

Se barrikadat do të largoheshin bëri të ditur të enjten presidenti i Serbisë, Aleksandar Vuçiq, pas takimit me përfaqësuesit e serbëve nga Kosova.

SHIKONI EDHE:

Hiqen barrikadat në veri

Shfaq më shumë