Kurti për largimin e barrikadave: Vetë i vunë, vetë i hoqën

9 dhjetor 2022

Largimi i barrikadave në veri të Kosovës nisi pasditen e 29 dhjetorit.
Disa serbë lokalë atje, qysh më 10 dhjetor, kanë ngritur barrikada në rrugët që çojnë në dy pikat kufitare me Serbinë, Jarinjë dhe Bërnjak.
Kjo ka qenë përgjigjja e tyre ndaj arrestimit të ish-policit serb, Dejan Pantiq, nga autoritetet e rendit në Kosovë. Atij fillimisht i është shqiptuar masa e paraburgimit prej një muaji, ndërsa më vonë është dërguar në arrest shtëpiak.
Pantiq dyshohet se organizoi “sulm terrorist” në zyrat e Komisionit Qendror të Zgjedhjeve në veri të Kosovës.
Largimi i barrikadave nisi pas një takimi që presidenti i Serbisë zhvilloi me disa përfaqësues të serbëve në Kosovë dhe tha se ka marrë garanci nga komuniteti ndërkombëtar se kërkesat e tyre do të plotësohen.

22:46 28.12.2022

Barrikadat në Rudarë

23:51 28.12.2022

Vuçiq: Heqja e barrikadave do të nisë mëngjesin e së enjtes

Presidenti i Serbisë, Aleksandar Vuçiq, pas takimit me përfaqësuesit e serbëve nga Kosova tha se heqja e barrikadave do të nisë mëngjesin e së enjtes.

“Për 24 orë apo 48 orë do të hiqen barrikadat”, tha ai.

Presidenti serb, Aleksandar Vuçiq. 24 nëntor 2022.

SHIKONI EDHE:

Vuçiq: Heqja e barrikadave do të nisë më 29 dhjetor

08:01 29.12.2022

Digjen disa kamionë në një barrikadë në veri

Disa kamionë, me të cilët ishte bllokuar rruga në lokacionin e njohur si Shkëmbi i Dudës në Mitrovicë të Veriut, janë djegur gjatë natës.

Ekipi i Radios Evropa e Lirë është në vendin e ngjarjes dhe sjell këto fotografi të kamionëve të djegur.

08:53 29.12.2022

Pamjet e kamionëve të djegur

Gjatë natës së mbrëmshme janë djegur disa kamionë në barrikadën e vendosur te vendi i njohur si Shkëmbi i Dudës në Mitrovicën Veriore. Kjo ka ndodhur pikërisht sot kur pritet largimi i barrikadave nga rrugët e veriut.

Bashkëngjite

Pamjet e kamionëve të djegur në barrikadën në veri

No media source currently available

0:00 0:00:40 0:00

Shfaq më shumë