Varfëria i detyron fëmijët afganë të bëjnë punë të rënda
Fotografi i Associated Press, Ebrahim Noroozi, i realizoi këto foto të fëmijëve prej 4 vjeç, që punojnë në furrat e fabrikave të tullave në periferi të Kabulit për disa muaj. (Përgatiti: Syzanë Paçarizi)
1
Organizata për Mbrojtjen e Fëmijëve, Save the Children, me bazë në Londër, vlerëson se gjysma e familjeve në Afganistan i kanë angazhuar fëmijët e tyre në punë për shkak të nevojës ekonomike. Fëmijët të vegjël nga 4 vjeç mund të shihen duke punuar në furra tullash si kjo e fotografuar në periferi të Kabulit.
2
Situata është përkeqësuar edhe më shumë pas tërheqjes së SHBA-së dhe pushtimit të Afganistanit nga talibanët, në gusht të vitit 2021. Afganistani po përballet me krizë ekonomike, si dhe me thatësira që kanë lënë pasoja katastrofike te popullsia dhe fëmijët e tij.
3
Rahim (nuk është në këtë foto) ka tre fëmijë që punojnë me të, të moshës nga 5 deri në 12 vjeç. Ai tha se nuk kishte zgjidhje.
"Nuk ka rrugë tjetër", tha ai. "Si mund të mësojnë kur ne nuk kemi bukë për të ngrënë? Mbijetesa është më e rëndësishme".
"Nuk ka rrugë tjetër", tha ai. "Si mund të mësojnë kur ne nuk kemi bukë për të ngrënë? Mbijetesa është më e rëndësishme".
4
Fëmijët përfshihen në çdo hap të procesit të prodhimit të tullave, madje edhe në tërheqjen e enëve me ujë ose bartjen e kallëpeve të tullave prej druri plot me baltë për t'i vendosur në diell për t'u tharë.
Facebook Forum