Mënyra tradicionale e shitjes, biznesi më i goditur koronavirus, është zëvendësuar me mundësitë që po ofron tregtia nga interneti. Me zbritje të shumta si dhe me shpërndarjen falas, restorantet dhe dyqanet që ishin të detyruar të mbyllin dyert, po përpiqen të tërheqin blerës, por në të njëjtën kohë të sigurojnë të ardhura për punëtorët dhe kompanitë.
Edhe ato biznese që në të kaluarën nuk ofronin shërbime në mënyrë elektronike, tani janë të detyruara të përdorin mënyra alternative për shitjen e produkteve të tyre dhe t’u ofrojnë qytetarëve shërbimet e tyre pa pasur nevojë të dalin nga shtëpitë e tyre, për shkak të koronavirusit që ka ndryshuar mënyrën e jetës.
Një nga masat e para që ndërmori qeveria ishte vendimi për të mbyllur të gjitha dyqanet në qendrat tregtare, përveç farmacive, supermarketeve dhe dyqaneve ushqimore. Ndalim i plotë u vendos gjithashtu për kafenetë, restorantet, si dhe baret, klubet, kazinotë dhe bastoret.
"Ditëve të fundit kemi marrë dhjetëra kërkesa nga restorantet me disa prej të cilëve tashmë kemi lidhur marrëveshje dhe shumë të tjerë presin sepse ne nuk mund t'i përfshijmë ato kaq shpejt në shërbimin tonë, por sigurisht që të gjithë duan të jenë pjesë e saj sepse ata e dinë se tani kjo është mënyra e vetme për të mbijetuar në këto periudhë të vështirë”, thotë Robert Todorovski, menaxher në një agjenci për dërgimin e ushqimit.
Me qëllim për të mbrojtur klientët nga infektimi, atyre u ofrohet pagesa elektronike, ndërsa punonjësit e kompanive janë të pajisur me maska mbrojtëse dhe doreza. Humbjet në sektorët më të prekur nga mosfunksionimi i tyre për shkak të koronavirusit do të përcaktohen më vonë.
Qeveria ndaloi grumbullimin edhe të më shumë se pesë personave dhe kjo rezultoi me mbylljen e palestrave sportive dhe fitnesit. Me çmime më të ulëta dhe mësime në internet, ata përpiqen të mbajnë klientët e tyre.
"Pas gjendjes së krijuar dhe masave të jashtëzakonshme, ne është dashur të riorganizojmë mënyrën dhe kushtet tona të punës për të realizuar të paktën disa të ardhura, që janë shumë më të ulëta se ato në rrethana normale. Ne po mbajnë orë përmes internetit dhe po përpiqemi të ruajmë interesin për të praktikuar ushtrimet edhe në atmosferë të ngrohtë shtëpiake", thotë Rita Konsulova, instruktore e fitnesit.
Ndërkohë, drejtuesit e agjencive që ofrojnë shërbimet e tyre të ushqimit dhe mallrave tjera thonë edhe pas normalizimit të gjendjes kompanitë duhet të mendojnë për fuqizimin e tregtinë online.
"Edhe nëse virusi nuk do të shkaktonte këtë krizë, kjo mënyrë e shitjes në shtetet perëndimore është tashmë shumë aktuale. Për shembull, në Danimarkë 70 për qind e restoranteve punojnë me shpërndarje dhe 30 për qind me shërbim të drejtpërdrejtë. Kjo mënyrë e tregtisë po vjen edhe te ne edhe pse ne jemi njerëz që duam të shoqërohemi, por pa dyshim që interneti dhe shpërndarja po merr hov edhe në këtë pjesë të kontinentit ", thotë Robert Todorovski, menaxher në një agjenci për dërgimin e ushqimit.
Qeveria për ndërmarrjet mikro, të vogla dhe të mesme, kryesisht në sektorin e hotelerisë, turizmit dhe transportit, ka ofruar rreth 12 milionë euro ndihmë. Bëhet fjalë për kredi nga 3,000 deri në 30,000 euro, pa interes, me një periudhë mospagimi 6 muajsh dhe shlyerje të kredisë brenda 2 vjetësh.
