Superjahtet e shtrenjta, në pronësi të oligarkëve rusë, po përballen me sfida ligjore, teksa autoritetet në mbarë botën po veprojnë në bazë të sanksioneve ndërkombëtare që kanë për qëllim t’i bëjnë presion personave që janë të afërt me presidentin rus, Vladimir Putin. Një numër anijesh, vlera e përgjithshme e të cilave vlerësohet të jetë të paktën 1.6 miliard dollarë, janë konfiskuar deri më tani. Rasti i fundit i konfiskimit të një jahti ndodhi në Londër më 29 mars. Në këtë fotogaleri iu tregojmë jahtet e konfiskuara dhe pronarët e tyre, por edhe për disa anije që janë në shënjestër të autoriteteve, përfshirë edhe një jaht që është i lidhur me vetë Putinin. (Përgatiti: Syzanë Paçarizi)
Në kërkim të superjahteve të oligarkëve rusë
1
Jahti SY- A në pronësi të oligarkut rus, Andrei Melnichenko, u sekuestrua nga autoritetet italiane më 11 mars. Vlerësime të ndryshme thonë se vlera e tij është afërsisht 600 milionë dollarë.
Këshilli Evropian thotë se Melnichenko është "i përfshirë në sektorët ekonomikë që ofrojnë një burim të konsiderueshëm të ardhurash për Qeverinë e Federatës Ruse, e cila është përgjegjëse për aneksimin e Krimesë dhe destabilizimin e Ukrainës". Një zëdhënës i Melnichenkos tha: "Ne do t'i kundërshtojmë këto sanksione të pabaza dhe të pajustifikuara dhe besojmë se sundimi i ligjit dhe sensi i përbashkët do të mbizotërojnë".
Këshilli Evropian thotë se Melnichenko është "i përfshirë në sektorët ekonomikë që ofrojnë një burim të konsiderueshëm të ardhurash për Qeverinë e Federatës Ruse, e cila është përgjegjëse për aneksimin e Krimesë dhe destabilizimin e Ukrainës". Një zëdhënës i Melnichenkos tha: "Ne do t'i kundërshtojmë këto sanksione të pabaza dhe të pajustifikuara dhe besojmë se sundimi i ligjit dhe sensi i përbashkët do të mbizotërojnë".
2
Jahti Dilbar, i gjatë 156 metra, vlerësohet se kushton 594 milionë dollarë, sipas Indeksit të Miliarderëve të Bloombergut. Në pronësi të miliarderit rus, Alisher Usmanov, anija nuk mund të largohet nga porti i Hamburgut. Raportet e para thanë se ishte sekuestruar, por të tjerë thonë se sanksionet pengojnë pagesën e ekuipazhit dhe autoritetet gjermane nuk kanë lëshuar një dokument doganor që lejon largimin e tij.
Duke qenë pronar në miniera, media dhe telekomunikacion, Usmanov shihet si i lidhur ngushtë me presidentin Putin. Usmanov lëshoi një deklaratë më 1 mars duke thënë se sanksionet bazoheshin në "akuza të rreme dhe shpifëse që dëmtonin nderin, dinjitetin dhe reputacionin e biznesit tim. Unë do të përdor të gjitha mjetet ligjore për të mbrojtur nderin dhe reputacionin tim".
Duke qenë pronar në miniera, media dhe telekomunikacion, Usmanov shihet si i lidhur ngushtë me presidentin Putin. Usmanov lëshoi një deklaratë më 1 mars duke thënë se sanksionet bazoheshin në "akuza të rreme dhe shpifëse që dëmtonin nderin, dinjitetin dhe reputacionin e biznesit tim. Unë do të përdor të gjitha mjetet ligjore për të mbrojtur nderin dhe reputacionin tim".
4
Jahti Amore Vero raportohet se është në pronësi të Igor Sechin, kreut të gjigantit shtetëror rus të energjisë Rosneft. Anija u sekuestrua pranë Marsejës në fillim të marsit. Faqja e internetit Superyacht Fan e vendosi çmimin e Amore Vero-s në 120 milionë dollarë.
Një jaht i dytë që thuhet se është në pronësi të Sechin, një bashkëpunëtor i vjetër i Putinit, u kap në Spanjë në mes të marsit. Jahti Crescent vlerësohet të ketë vlerën e 500-600 milionë dollarëve.
Një jaht i dytë që thuhet se është në pronësi të Sechin, një bashkëpunëtor i vjetër i Putinit, u kap në Spanjë në mes të marsit. Jahti Crescent vlerësohet të ketë vlerën e 500-600 milionë dollarëve.
5
Vlera e tij konsiderohet të jetë 140 milionë dollarë dhe besohet se është në pronësi të Sergei Chemezov. Jahti Valerie, 85 metra i gjatë, po u nënshtrohej riparimeve në portin e Barcelonës kur u sekuestrua.
Chemezov është drejtor i Rostec, një konglomerat shtetëror rus i mbrojtjes. Ai konsiderohet si një nga aleatët më të ngushtë të Putinit.
Chemezov është drejtor i Rostec, një konglomerat shtetëror rus i mbrojtjes. Ai konsiderohet si një nga aleatët më të ngushtë të Putinit.
