Trump pretendon se ka fituar zgjedhjet, synon t'i drejtohet Gjykatës Supreme
Presidenti amerikan, Donald Trump ka thënë se ai dhe ekipi i tij kanë qenë duke u përgatitur për të festuar rezultatin e zgjedhjeve presidenciale.
“Rezultatet sonte kanë qenë fenomenale”, ka thënë ai në Shtëpinë e Bardhë.
Megjithatë ai ka thënë se planifikon t’i drejtohet Gjykatës Supreme, dhe se kërkon të “ndalen votimet”.
“Ne do ta fitojmë këtë. Për aq sa di, ne veçse kemi fituar”, ka deklaruar Trump.
Ndonëse nuk ka ofruar të dhëna, ai ka thënë se zgjedhjet amerikane janë duke u manipuluar.
Ai ka pretenduar po ashtu se republikanët janë duke fituar edhe në shtetin e Pensilvanisë.
Pak më parë është konfirmuar fitorja e presidentit amerikan në Florida dhe Teksas, shtete të rëndësishme për rezultatin përfundimtar të zgjedhjeve.
Biden: Nuk ka epilog, derisa secila votë të numërohet
Po rikujtojmë edhe një herë, kësaj here përmes videos, deklaratën e Bidenit para mbështetësve të tij.
Biden fiton në Arizona
Kandidati demokrat për president, Joe Biden ka fituar në shtetin Arizona, transmeton AP.
Në këtë shtet, Biden ka fituar 11 vota elektorale.
Arizona ka mbështetur një kandidat demokrat për president vetëm një herë në 72 vjetët e fundit.
Trump: Ne i fituam zgjedhjet
Numërimi i votave është duke vazhduar në disa shtete amerikane pa raportuar për ndonjë incident të madh. Presidenti amerikan, Donald Trump ka bërë pretendime të pabazuara se votat po vidhen. Zyrtarë shtetërorë për zgjedhje kanë thënë se këtë pretendime nuk kanë substancë, dhe se votat janë duke u numëruar në mënyrë të ligjshme.
