Në pritje të rezultateve nga shtetet kyçe

3 nëntor 2020

Në Shtetet e Bashkuara të Amerikës, më 3 nëntor, janë mbajtur zgjedhjet presidenciale.
Sistemi politik amerikan dominohet nga dy parti, andaj presidenti gjithmonë i përket njërës prej tyre.
Republikanët janë parti politike konservatore dhe kandidati i tyre në zgjedhjet e këtij viti është presidenti Donald Trump, i cili shpreson t’i sigurojë edhe katër vjet në pushtet.
Demokratët janë parti politike liberale dhe kandidat i tyre është Joe Biden, një politikan me përvojë, më i njohur për shërbimin e tij si zëvendëspresident në administratën e Barack Obamës.
Të dy kandidatët, në të 70-tat e tyre, garojnë për të fituar votat e Kolegjit Zgjedhor.
Secili shtet ka një numër të caktuar të votave të Kolegjit Zgjedhor, bazuar në popullsinë e tij.
Kolegji Zgjedhor ka gjithsej 538 vota dhe fitues i zgjedhjeve është kandidati që siguron 270 ose më shumë prej tyre. Fituesin nuk e përcakton vota e popullit.
Zgjedhjet në SHBA mbahen çdo katër vjet në të martën e parë të nëntorit dhe të drejtë vote ka secili shtetas amerikan mbi 18 vjeç.
Rezultati mund të dihet në natën e zgjedhjeve, por mund të marrë edhe ditë ose javë.
Presidenti i ri betohet zyrtarisht më 20 janar në një ceremoni që njihet si inaugurim.

03:14 4.11.2020

Radhët e gjata të votuesve në Indiana

Në Indiana të SHBA-së, votuesit kanë pritur në radhë për të votuar, duke mbajtur distancën fizike, si masë kundër përhapjes së koronavirusit.

Bashkëngjite

Radhët e gjata të votuesve në Indiana

No media source currently available

0:00 0:00:42 0:00

02:57 4.11.2020

Donald Trump fiton edhe Indidanën

Presidenti Donald Trump ka fituar zgjedhjet në shtetin e Indianës, raporton AP.

Indiana është shteti prej nga vjen zëvendëspresidenti aktual, Mike Pence.

Ajo i siguron Trumpit 11 vota elektorale.

Trump e ka fituar Indianën edhe në vitin 2016.

02:35 4.11.2020

AP nxjerr rezultate të reja

Agjencia e lajmeve AP raporton se presidenti amerikan, Donald Trump, ka fituar edhe Alabamën, Misisipin, Arkansasin dhe Oklahomën, ndërsa sfiduesi i tij demokrat, Joe Biden, ka fituar në Konektikat, Dellauer dhe Illinois.

Për rezultatet në kohë reale përcillni edhe hartën e Radios Evropa e Lirë.

02:05 4.11.2020

Biden i fiton edhe katër shtete

Agjencia e lajmeve AP raporton se kandidati demokrat për president të SHBA-së, Joe Biden, ka fituar zgjedhjet në Merillend, Masaçusets, Nju Xhërsi, Rod Ajllënd.

Më herët është raportuar për fitoren e Bidenit edhe në Virxhinia dhe në Vermont.

Shfaq më shumë

Ndërlidhjet

Na ndiqni

Në pritje të rezultateve nga shtetet kyçe

Radhët e gjata të votuesve në Indiana