Natalya Beryozova humbi bashkëshortin dhe shtëpinë në Irpin, në periferi të Kievit, gjatë sulmeve ruse në muajt e parë të luftës në Ukrainë. Ajo dhe dy vajzat e saj mbijetuan dhe tani përsëri kanë një vend të përhershëm ku mund të jetojnë, falë inxhinierisë përparimtare dhe bamirësive lokale. Muret e lakuara të shtëpisë prej 138 metrash katrorë, të bërë me printer 3D, u realizuan gjatë dy ditëve, falë punës së dizajnerëve dhe të ndërtimtarëve ukrainas. (Përgatitën: Trim Haliti dhe Ekrem Fazliu)