Koreja e Veriut kryen testime të reja të raketave

Koreja e Veriut ka lëshuar një breshëri raketash në orët e para të së mërkurës, përfshirë edhe një raketë të dyshuar balistike ndërkontinentale. Lëshimi i raketave ndodhi disa orë pasi presidenti amerikane, Joe Biden, u largua nga Azia pas një vizite në këtë kontinent.

Tri raketa – përfshirë edhe një raketë të dyshuar balistike ndërkontinentale – u lëshuan nga zona Sunan në Phenjian, tha Koreja e Jugut, ku një bazë ajrore është bërë një vend kyç për testimin e armëve nga Veriu.

Gjatë këtij viti, Koreja e Veriut ka kryer pothuajse 20 testimeve të raketave. Pas testimit të 25 majit, Shtetet e Bashkuara dhe Koreja e Veriut, si kundërpërgjigje kryen stërvitje të përbashkëta ajrore, teksa të dy shtetet kritikuan atë që thanë se janë “provokime” të vazhdueshme nga shteti që ka armë bërthamore.

SHIKONI EDHE:

Lideri i Koresë së Veriut sërish paralajmëron për përdorimin e armëve bërthamore

Testimet janë “veprim i paligjshëm që drejtpërdrejt shkelin rezolutat e Këshillit të Sigurimit të Kombeve të Bashkuara”, tha Qeveria në Seul pas një takimi të Këshillit të Sigurisë Kombëtare, që u kryesua nga presidenti i ri, Yoon Suk-yeol.
Shtetet e Bashkuara dënuan testimet “destabilizuese” dhe i bën thirrje Phenjanit të “angazhohet në dialog të qëndrueshëm dhe thelbësor”, tha një zëdhënës i Departamentit të Shtetit.

Shtabi i ushtrisë së Koresë së Jugut përmes një deklarate tha se kanë “detektuar raketa balistike të lëshuara nga zona Sunan drejt Detit Lindor”, një referencë për Detin e Japonisë.

“Raketa e parë balistike [që dyshohet të jetë raketë balistike ndërkontinentale] kishte një rreze prej rreth 360 kilometrash dhe një lartësi prej 540 kilometrash”, u tha në deklaratë.

Koreja e Veriut ka testuar një mori raketash gjatë viteve të fundit, duke përfshirë disa që Shtetet e Bashkuara të Amerikës dhe Koreja e Jugut kanë vlerësuar se kanë qenë në kuadër të testimeve të sistemeve interkontinentale. Testimet janë parë po ashtu si përpjekje e Phenianit për të treguar se ka sisteme të besueshme raketore që mund të bartin koka bërthamore. Organizata e Kombeve të Bashkuara ia ndalon Koresë së Veriut testimin e raketave balistike dhe atyre bërthamore, prandaj edhe ka vendosur sanksione ndaj saj. Por, ky shtet i Azisë Lindore ka shkelur vazhdimisht ndalesën, ndërsa udhëheqësi koreanoverior, Kim Jong Un, është zotuar se do të rrisë kapacitetet shtetërore për mbrojtje. Shumica e pamjeve në këtë fotogaleri janë publikuar nga agjencia shtetërore koreanoveriore e lajmeve KCNA, dhe janë shpërndarë nga agjencia ndërkombëtare e lajmeve Reuters, e cila nuk ka mundur të verifikojë në mënyrë të pavarur datën e shkrepjes së fotografive. (Përgatiti: Trim Haliti)

Raketa e dytë “u zhduk në lartësinë prej 20 kilometrash” dhe raketa e tretë – që dyshohet të ketë qenë raketë balistike me rreze të shkurtër veprimi – udhëtoi afër 706 kilometra në një lartësi prej 60 kilometrash.

Gjatë vizitës në Korenë e Jugut, presidenti amerikan, Joe Biden, dhe homologu i tij jugkorean, Yoon Suk-yeol, u pajtuan që të shtojnë masat frenuese ndaj Koresë së Veriut.