Të nderuar lexues,
Po e rinisim mbulimin direkt të gjykimit ndaj ish-krerëve të Ushtrisë Çlirimtare të Kosovës, që akuzohen për krime lufte dhe krime kundër njerëzimit.
Në ditën e dytë të gjyqit, mbrojtja e ish-presidentit Hashim Thaçi pritet të nisë deklaratat hyrëse për rastin e ngritur nga Zyra e Prokurorit të Specializuar.
Ne do t'ju sjellë informacione në kohë reale nga Gjykata Speciale në Hagë.
Na ndiqni!
Të nderuar lexues,
Këtu po e përmbyllim raportimin e drejtpërdrejtë për gjyqin që ka nisur në mëngjesin e së hënës në Hagë, ndaj ish-krerëve të Ushtrisë Çlirimtare të Kosovës.
Do të rikthehemi në mëngjesin e së martës.
Në ditën e dytë të gjykimit, më 4 prill, ekipet mbrojtëse do të kenë fjalën e tyre hyrëse për rastin që kanë ndërtuar.
Faleminderit që ishit me ne!
“Të pafajshëm” - Dita e parë e gjyqit kundër ish-pjesëtarëve të UÇK-së
Në Gjykatën Speciale për krime të dyshuara lufte në Kosovë nisi më 3 prill procesi gjyqësor kundër ish-presidentit të Kosovës, Hashim Thaçi, dhe tre ish-zyrtarëve të tjerë: Kadri Veseli, Rexhep Selimi dhe Jakup Krasniqi. Të katërtit - ish-pjesëtarë të Ushtrisë Çlirimtare të Kosovës - u deklaruan të pafajshëm për akuzat që i ngarkojnë me krime lufte dhe krime kundër njerëzimit, e që lidhen me luftën e viteve 1998/99 në Kosovë. Për mbledhjen e provave, prokurorët thanë se kanë përdorur komunikata të UÇK-së, intervista televizive, dokumentarë, si dhe shënime personale, të gjetura në shtëpitë e disa prej të akuzuarve.
Provat e Prokurorisë: Komunikata të UÇK-së, intervista, dokumentarë, shënime personale
Në ditën e parë të gjyqit ndaj ish-krerëve të Ushtrisë Çlirimtare të Kosovës, më 3 prill, prokurorët e Zyrës së Prokurorit të Specializuar në Hagë kanë përdorur komunikata të UÇK-së, intervista televizive, dokumentarë, si dhe shënime personale, që u gjetën në shtëpitë e Jakup Krasniqit dhe Rexhep Selimit, si prova kryesore për të argumentuar krimet për të cilat akuzohen Hashim Thaçi, Kadri Veseli, Krasniqi dhe Selimi.
