Çmimet e larta godasin kosovarët: "Ndonjëherë nuk fitoj asnjë cent"

Rritja e çmimeve në Kosovë po paraqet sfidë të madhe për shumë familje me të ardhura të ulëta, përfshirë atë të Islam Aliut, i cili tash e 26 vjet mban familjen duke bartur me karrocë mallrat që qytetarët blejnë në tregun e Prishtinës. Derisa priste klientin e radhës, ai tha për Radion Evropa e Lirë se shpeshherë nuk fiton asnjë cent gjatë ditës.