Çfarë ka thënë Biden se do të bëjë në ditët e para si president?
- Do ta anulojë vendimin e presidentit në largim, Donald Trump, për tërheqjen e SHBA-së nga Marrëveshja e Parisit për Klimën.
- Do ta tërheqë lejen presidenciale të dhënë për tubacionin Keystone XL, i cili kundërshtohet nga ambientalistët dhe grupet e amerikanëve vendas.
- Do t'i revokojë politikat e Trumpit për imigracionin dhe shpalljen e gjendjes emergjente, që ka ndihmuar në financimin e ndërtimit të një muri në kufi me Meksikën.
- Do ta bëjë të detyrueshme maskën dhe distancimin social për punonjësit federalë dhe në ndërtesat federale.
- Do t’i japë fund ndalesës së udhëtimit për vizitorët nga disa vende, kryesisht myslimane.
Nënpresidenti në largim arrin në ceremoni
Nënpresidenti në largim i Shteteve të Bashkuara, Mike Pence, dhe gruaja e tij kanë arritur në platformën e Kongresit amerikan, ku pas pak minutash pritet të bëjë betimin presidenti i zgjedhur, Joe Biden.
Në ceremoninë e inaugurimit nuk merr pjesë presidenti në largim, Donald Trump.
Ai është presidenti i parë në 152 vjet që nuk merr pjesë.
Trump nuk e ka pranuar kurrë humbjen kundrejt Bidenit në zgjedhjet e 3 nëntorit.
Siguria në Uashington për inaugurimin e presidentit të ri
Nën masa të shtuara të sigurisë, SHBA-ja bëhet gati për inaugurimin e Bidenit
Lady Gaga këndon himnin kombëtar në ceremoni
Këngëtarja Lady Gaga këndoi himnin kombëtar në ceremoninë e inaugurimit të presidentit të zgjedhur, Joe Biden, nw Uashington.
Këngëtarja, e cila ka bërë fushatë për zgjedhjen e Bidenit, ka thënë se është “thellësisht e nderuar” që është zgjedhur për ceremoninë.
