Protestuesit në Bejrut përleshen me policinë

Në rrugët e Bejrutit janë parë disa protestues duke u përleshur me zyrtarët policorë përderisa qeveria e këtij vendi ka dhënë dorëheqje. Kryeministri i Libanit, Hassan Diab ka njoftuar të hënën për dorëheqjen pas shpërthimit të 4 gushtit në Bejrut që ka nxitur zemërim të publikut dhe protesta masive. Përmes një adresimi televiziv, Diab ka thënë të hënën se po bën “një hap mbrapa”, në mënyrë që të jetë afër njerëzve dhe të “luftojë për betejën për ndryshim afër tyre”.Si pasojë e shpërthimit në Bejrut kanë vdekur mbi 200 persona.