Futbolli pa infrastrukturë adekuate

Infrastruktura në stadiumet e futbollit të Kosovës është bërë pengesë që përfaqësuesja e futbollit të Kosovës t’i zhvillojë ndeshjet në terren të saj, në kuadër të kualifikimeve për botërorin Rusi 2018. Përfaqësuesit e Federatës së Futbollit të Kosovës thonë se është duke u punuar për renovimin e dy stadiumeve, që pritet të jenë të gatshme në qershorin e vitit të ardhshëm. Ekspertët e futbollit thonë se lidhur me infrastrukturën ka pasur mungesë të një strategjie afatgjate.