Policia zhvendos tendat nga sheshi
Rreth orës 18:00, Policia e Kosovës ka nisur t’i largoj tendat e opozitës nga sheshi “Skëndërbeu”, të cilat tri ditë më parë i kishin vendosur pasuesit e partive opozitare.
Nga sheshi “Skëndërbeu”, gjithashtu rreth 18:00, policia i ka larguar edhe protestuesit.
Dështon rrethi i parë për zgjedhjen e presidentit
Nga 81 vota të deputetëve, Hashim Thaçi ka fituar 50 vota, 27 vota kanë qenë të pavlefshme, kurse 4 vota ishin për kundër kandidatin e zotit Thaçi, Rafet Rama.
Në rrethin e dytë, zotit Thaçi i duhen sërish 80 vota, kurse në rrethin e tretë, 61.
Përplasje të dhunshme në qendër të Prishtinës
Në sheshin “Adem Jashari’, protestuesit po vazhdojnë të hedhin kokteje molotovi në drejtim të pjesëtarëve të Policisë së Kosovës.
Këta të fundit, tashmë kanë intervenuar duke hedhur gaz lotsjellës, si dhe po përdorin vrushkuj uji për të shpërndarë protestuesit.
Policia e Kosovës ka bllokuar rrugën që çon drejt sheshit “Adem Jashari”, pranë të cilit gjendet Kuvendi i Kosovës..