Budapest: Migrantët kaluan natën jashtë

Qindra migrantë nga Lindja e Mesme e kanë kaluar natën jashtë stacionit të trenave në Budapest të Hungarisë, pasi autoritetet hungareze refuzojnë të lejojnë udhëtimin e tyre me tren drejt Gjermanisë. Më 1 shtator, stacioni kryesor i trenave në Budapest fillimisht ndërpreu punën, por më vonë u rihap vetëm për jomigrantët. Policia ka lejuar të qarkullojnë vetëm njerëzit që kanë pasur bileta, karta identiteti dhe viza përkatëse. Muajin e kaluar, 50,000 migrantë, kryesisht nga Siria, Iraku dhe Afganistani, kanë hyrë në Hungari, për të vazhduar në vendet e Evropës perëndimore. Video REUTERS